Дьокуускайга дьону быыһаабыт баһаарынайдарга сир учаастагын сэртипикээттэрин туттардылар

ЫБММ Саха сиринээҕи сотрудниктарыгар Алексей Михайловка уонна Олег Зориҥҥа Дьокуускайга Курашов уулусса 44 нүөмэрдээх дьиэтигэр буолбут баһаарга дьону быыһаабыттарын иһин Табаҕаҕа сир учаастактарын ылыыга уонна Уһук Илин гектары толотторууга сэртипикээттэри туттардылар. Бу сыаналаах бэлэҕи үлэһиттэрэ буруолаах дьиэ  иһигэр хаайтарбыт тэрилтэ туттарда.

“Баһаар кэмигэр биһиги уонча үлэһиппит дьиэ иһигэр баара. Ааннар сабыылаах этилэр. Сорохтор сыста турар дьиэ кырыыһатыгар ыстаммыттара. Сорохтор хойуу буруоттан быыһанаары офис иһигэр хаалбыттара. ЫБММ сотрудниктара Алексей Михайлов уонна Олег Зорин көмөлөрүнэн иэдээнтэн быыһаннылар. Быыһааччылар болгарканан эрбээн, ааны түргэнник арыйбыттар. Мин кинилэр салайааччыларын кытта сибээстэспитим, тэрилтэбит аатыттан Алексейга уонна Олегка махтанарга быһаарыммыппыт.  Кинилэргэ Табаҕаҕа сир учаастагын ылыыга уонна Уһук Илиҥҥи гектары толотторууга сэртипикээттэри туттардыбыт”, —  диэн “Дом Инвест” хампаанньа дириэктэрин солбуйааччы Евгений Алексеев ЯСИА-ҕа кэпсээтэ.

ЯСИА баһаар кэмигэр  административнай дьиэҕэ служебнай аан хатыылааҕын, сигнализация үлэлээбэтэҕин туһунан суруйбута. Дьон буруоҕа тумнастымаары аттынааҕы биэс этээстээх дьиэ кырыыһатыгар тахсарга күһэллибиттэрэ.

ЫБММ исписэлиистэрэ 28 киһини быыһаабыттара.