Хаартыска: РФ Оборуонаҕа министиэристибэтэ.
Дьокуускайга хантараагынан дьону сүүмэрдиир пууҥҥа пилота суох систиэмэлэр чаастарыгар сулууспалыан баҕалаахтарга ирдэбил туһунан кэпсээтилэр.
“РФ Сэбилэниилээх Күүстэрин чаастарыгар хантараагынан байыаннай сулууспаны 18-45 саастаахтар ааһаллар, оттон FPV-дроннарынан – 18-35 саастаах дьон. Доруобуйаларын туругунан “А” уонна “Б” категорияҕа хапсыахтаахтар. Авиация персоналыгар үрдүк уонна орто анал үөрэхтээхтэр сулууспалыахтарын сөп. БПЛА, коптер уонна сөмөлүөт тииптээх FPV- дроннарга – үрдүк, орто анал, орто уопсай эбэтэр сүрүн уопсай”, — диэн быһаардылар пууҥҥа.
Маны сэргэ БПЛА оператордара вестибуляторнай аппарааттара уонна илиилэрин моториката үчүгэй буолуохтаах.
Дронрейсердэргэ (дрон пилоттарыгар), киберспортсменнарга, авиамоделистарга, программистарга, араадьыйа тиэхиньиктэригэр, автомэхээнньиктэргэ, компьютер оонньууларын кэрэхсээччилэргэ ордук суолта бэриллэр.
Онон анал хантараагы 1 сылга түһэрсиэххэ сөп, онно эбии усулуобуйалар бигэргэнэллэр: саҥа хантараагы түһэрсиэн баҕарбат түгэнигэр хантараагын болдьоҕо туолла даҕаны байыаннай сулууспаттан барара мэктиэлэнэр, байыаннай сулууспатын пилота суох систиэмэлэр чаастарыгар ааһаллар.
Сүүмэрдиир пууннар Дьокуускайга, Нерюнгригэ, Мииринэйгэ 09:00-тан 18:00 диэри өрөбүлэ суох маннык аадырыстарга үлэлииллэр: Дьокуускайга Чепалов уул, 23 уонна Сэргэлээх суолун 11 км, 1. Нерюнгригэ – Чурапчинскай уул., 33 (3 куорпус), Мииринэйгэ Өктөөп 40 сыла уул., 26. Ону тэҥэ байыаннай комиссариакка уонна олорор сиринэн дьаһалтаҕа тиийэллэр.
Маннык докумуоннардаах: пааспар, СНИЛС, ИНН, үөрэх туһунан докумуон, байыаннай билиэт, эр-ойох буолуу, оҕо төрөөһүнүн сибидиэтэлистибэтэ (баар түгэнигэр).
Эбии ыйыталаһыҥ: яконтракт14.рф, төлөпүөннэр: 8 (4112) 32-10-40, 8 (924) 166-13-93 (суукканы эргиччи).
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…