Хаартыска: Василий Прокопьев
Дьокуускайга атырдьах ыйын 8 күнүгэр дойду Бэрэсидьиэнэ Владимир Путин көҕүлээбит национальнай бырайыактарынан уонна Дьокуускай куорат маастар-былаанынан тутуллар эбийиэктэринэн суруналыыстарга пресс-тур буолан ааста.
Ол курдук, дойду Бэрэсидьиэнэ Владимир Путин көҕүлээбит национальнай бырайыктарынан уонна Дьокуускай куорат маастар-былаанын үбүлээһинэ оҥоһуллан, Саха сиригэр социальнай эбийиэктэри тутуу балысханнык уонна тэтимнээхтик барар. Пресс-тур кэмигэр киин куоракка Доруобуйаларынан хааччахтаах оҕолорго адаптивнай үөрэхтээһин комплексын эбийиэгин көрдөрдүлэр.
Доруобуйаларынан хааччахтаах оҕолорго адаптивнай үөрэхтээһин комплекса киин куорат Сэргэлээхтиир шоссе 12 км «Үөрэх» национальнай бырайыагынан федеральнай субсидиянан Саха сирин бырабыыталыстыбатын уонна уонна «ПроШкола №53» ХЭУо (ВЭБ.РФ) Уһук Илиҥҥи экэнэмиичэскэй пуорумҥа түһэрсиллибит концессионнай сөбүлэһиинэн икки түһүмэҕинэн тутуллар. Эбийиэккэ 160 киһи үлэлиир.
Барыта 17,3 тыһ кв. м. иэннээх ханна да маннык тэҥнээх суох комплекс 550 миэстэлээх оскуолалаах, 200 миэстэлээх уһуйааннаах, 150 миэстэлээх интэринэттээх буолуоҕа. Уратыта диэн маннык баараҕай тутуу Арассыыйа үрдүнэн бастакы буолар, ол курдук комплекс бэйэтэ туспа котельнайдаах ититиинэн, скважинаттан ылыллар ыраас уунан хааччыллыаҕа. Бастакы түһүмэҕинэн бу сыл бүтүөр диэри 550 миэстээлээх оскуола эбийиэгэ бэлэм буолара күүтүллэр. Иккис түһүмэҕинэн 200 миэстэлээх оҕо уһуйаана уонна 150 миэстэлээх интэринээт дьиэлэрэ кэлэр сыл балаҕан ыйыгар дьэндэйэллэрэ былааннанар.
Саҥа оскуола икки блогунан араарыллан, 1-4 начаалынай уонна 5-9 орто үөрэхтээһинин кылаастарынан, доруобуйаларынан хааччахтаах оҕолору социальнай адаптацияны ааһалларыгар уонна сайыннарыыга анаан аһыллыаҕа. Комплекс иһинэн Кэмпэндээйи тууһун хоһо, стоматология кэбиниэтэ, 2 успуорт саалата, ЛФК хоһо, успуордунан дьарыктанар саала уонна хореография хоһо тутуллуоҕа. Ону кытта ойуур иһигэр тутуллар комплекс ыраас салгынынан оҕолор доруобуйаларын бөҕөргөтөргө олус туһалаах буолуоҕа. Онон инники сылларга эт-хаан өттүнэн оҕолор доруобуйаларын тупсаралларыгар, чэгиэн-чэбдик буолалларыгар анаан тутуллар комплекс көхтөөх олоххо угуйуоҕа.
«Главстрой» ХЭУо толорооччу дириэктэрэ Федор Попов комплекс туһунан сырдатта:
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…