Хаартыска: Мария Горохова, ЯСИА
Дьокуускайга Арассыыйа дьоруойдарын ийэлэрин быыстапката аһылынна.
Экспозиция «Материнская слава Якутии» саалаҕа турда. Быыстапка Аҕа дойдуну көмүскээччи уонна Ийэ күнүн көрсө туруорулунна. «Матери России» эрэгийиэннээҕи уопсастыбаннай хамсааһын бэрэссэдээтэлэ Прасковья Борисова бэлиэтииринэн, «Бессмертный материнский подвиг» бырайыак үһүс түһүмэҕэ буолар. Презентацияҕа Арассыыйа дьоруойа Родимир Максимов ийэтэ Варвара Максимова кыттыыны ылла: «Биһиги уолбутун дьоруой буоларга бэлэмнээбэтэхпит, ол эрээри кини баҕа өттүнэн дойдутун көмүскүү барарыгар өйөөбүппүт. Оҕобут тыыннаах эргиллэн кэлэригэр эрэллээх этибит. Дьылҕабар махтанабын, оҕобут аттыбытыгар баарыгар».
«Бырайыак бастакы уонна иккис түһүмэҕэ Аҕа дойду Улуу сэриитигэр Кыайыы 75 уонна 80 сылларыгар анаммыттара. Бу түһүмэхтэр чэрчилэринэн сэттэ-аҕыс уолаттарын фроҥҥа атаарбыт ийэлэр ааттара булуллан, үйэтитилиннэ. Көрдүүр үлэҕэ өрөспүүбүлүкэ алта улууһун бэрэстэбиитэллэрэ, ону тэҥэ түмэллэр, бибилэтиэкэлэр үлэһиттэрэ уонна волонтердар кытыннылар. Түмүгэр, уолаттара Ийэ дойдуларын иһин кыргыспыт 2299 ийэ аата чопчуланна. Бу дьахталлар мэтириэттэрэ быйыл ыам ыйын 9 күнүнээҕи параадка «Ийэ өлбөт-сүппэт хорсун быһыыта» диэн туспа холуоннанан тахсан, 200-тэн тахса киһи арыаллаата», — диэн кэпсээтэ Прасковья Борисова.
Айсен Николаев Уһук Илин сайдыытын социальнай-экэнэмиичэскэй боппуруостарын РФ Бырабыыталыстыбатын хамыыһыйатын сүбэ мунньаҕар кыттыыны ылла. Ол…
Халлаан арыый сылыйда да Дьокуускай куорат кытыы уулуссаларынан бэйдиэ сылдьар ыт ахсаана элбээн барар. Бүгүн…
Кырачаан Айыына Кожурова бэйэтин уонна дьиэ кэргэнин туһунан видеоҕа уһулан олус сэргэхтик уонна холкутук кэпсиирин,…
Ааспыт сууккаҕа Саха сиригэр буруйу оҥоруу биэс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Үөрэх үлэһиттэрин тохсунньутааҕы мунньаҕар өрөспүүбүлүкэҕэ педагогическай каадыр боппуруоһун быһаарыыга түөрт тус-туспа тиэмэлээх блоктан турар «Кадровая…
Саха Өрөспүүбүлүкэтин норуот маастара, Духуобунас академиятын академига, П.А. Ойуунускай аатынан Судаарыстыбаннай бириэмийэ лауреата, Култуура үтүөлээх…