Хаартыска: Дьокуускай куорат дьаһалтата.
Кыайыы күнүн көрсө Дьокуускайга икки саҥа пааматынньыгы туруоруохтара. Сэбиэскэй Сойуус Дьоруойдара Федор Попов уонна Гавриил Протодьяконов пааматынньыктара ханан туруохтарай?
Саха сириттэн бастакы Дьоруой пааматынньыга Федор Попов аатынан искибиэргэ, оттон аатырбыт артиллерист Гавриил Протодьяконов пааматынньыга Кыайыы пааркатыгар туруоруохтара. Скульптуралар номнуо оҥоһуллубуттар уонна сотору кэминэн тиэллэн кэлиэхтээхтэр. Бу туһунан Дьокуускай куорат дьаһалтата иһитиннэрэр.
Улуу Кыайыы 80 сылын бэлиэтээһин күнэ үүнэрэ субу чугаһаата. Куорат аҕа баһылыга Евгений Григорьев хаалбыт кэмҥэ үлэни-хамнаһы торумнуур тэрийэр хамыыһыйа мунньаҕын тэрийэн ыытта.
Кыайыы күнүн бэлиэтээһин ыам ыйын 5 күнүттэн саҕаланыаҕа. Кыайыы болуоссата, Кыайыы паарката өрөмүөннэниэхтэр. Дьоруойдар ааттарын сүгэр уулуссалар дьаамаларын абырахтыахтара, грейдеринэн тэҥниэхтэрэ, тупсарыахтара. Мураллар, аншлагтар, мемориальнай суруктар саҥардыллыахтара. Мэр бу үлэни барытын кэмигэр бүтэрэргэ сорудахтаата.
Ыам ыйын 5-9 күннэригэр «Окна Победы», «Стена Победы», «Свеча памяти» Бүтүн Арассыыйатааҕы аахсыйалар, бэтэрээннэргэ аналлаах «Поем двором», о.д.а. тэрээһиннэр буолуохтара.
Быйыл аан бастаан «Лента памяти» аахсыйа ыытыллыаҕа — Ленин проспегар 1418 миэтэрэ уһуннаах георгиевскай лиэнтэни тэнитиэхтэрэ. Бу бачча күннээх түүн Аҕа дойдуну көмүскүүр улуу сэрии барбыта. Манна Арассыыйа рекорда олохтонуон сөп.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…