Дьокуускайга ДПС үлэһиттэрин утары күүһү туттан эр киһи буруйданна

Дьокуускай куорат борокуратуурата олохтоох киһиэхэ тэриллибит холуобунай дьыаланан буруйдуур түмүгү бигэргэттэ.
Кини РФ Холуобунай Кодексатын 318-с ыстатыйатын 1 чааһынан буруйданар. Силиэстийэ быһаарбытынан, быйыл бэс ыйын 16 күнүгэр сарсыарда буруйданааччы Дьокуускай куорат Курашов аатынан уулуссаҕа массыынатынан айаннаан истэҕинэ, инники уонна ойоҕос түннүктэрин уоту аһарар ГОСТ ирдэбилигэр эппиэттээбэт тонировкалаах пленканы туһаммытын иһин, ДПС үлэһиттэрэ тохтоппуттар. Онон киниэхэ РФ Административнай кэһиилэр тустарынан кодексатын 12.5 ыстатыйатын 3.1 чааһынан боротокуол оҥоһуллубут. Ол гынан баран, буруйданааччы боротокуол оҥоһуллубутун кэннэ, абаран массыынатыгар олорон ДПС массыынатын саайбыт уонна полиция үлэһиттэрин өлөлөрүнэн куттаабыт. Буруйданааччы буруйун билиммит, бу быһыытын административнай эппиэтинэскэ тардыбыттарын иһин үлэһиттэргэ өһүргэммитин түмүгэр оҥорбутун быһаарбыт. Холуобунай дьыала суут көрүүтүгэр ыытылынна, – диэн СӨ Борокуратууратын пресс-сулууспата иһитиннэрэр.
Сообщить об опечатке
Текст, который будет отправлен нашим редакторам: