Хаартыска: pxhere.com
«Ил Түмэн» парламент хаһыатын эрэдээксийэтэ Дьокуускайга 203 түөлбэҕэ Өлүөнэ эбэ тас үөһүгэр сэтинньи 9 күнүгэр муус аннынан балыктааһын күрэһэ ыытылларын туһунан биллэрдэ. Сонун күрэһи Арассыыйа Суруналыыстарын Соһууйа Саха сиринээҕи салаата уонна “Ил Түмэн” издательскай дьиэ ыыталлар.
«Эбэ бэлэҕэ» күрэххэ «Ил Түмэн» парламент хаһыатын бастакы нүөмэрэ тахсыбыта үбүлүөйдээх 25 сылыгар ананар. Күрэхтэһиигэ Саха сирин көрдөрөр-иһитиннэрэр эйгэ, бэчээт, пресс-сулууспа үлэһиттэрэ кытталлар. Хамаанда састааба — 3 балыксыт. Хамаандалар ахсаана хааччахтаммат.
Күрэхтэһии Дьокуускай куорат Өлүөнэ өрүс тас үөһүгэр 203 түөлбэҕэ ыытыллар. Кыттааччылар регистрацияны сэтинньи 7 күнүгэр диэри ааһыахтаахтар. Күрэхтэһии сарсыарда күн устата сарсыарда 8.00 чаастан ыытыллар. Күрэххэ кыттарга эрдэтинэ сайаапкалары бу сыл сэтинньи 7 күнүгэр диэри 89141082150 нүөмэргэ эбэтэр aikhal2006@mail.ru электроннай буостанан бэриллэр (Матвеев Алексей Филиппович). Сайаапкаҕа хамаанда чилиэннэрин ааттара, төрөөбүт сыллара ыйыллар, диэн Сахапарламент.ру суруйар.
Кыайыылаахтары наҕараадалааһын маннык номинацияларынан оҥоһуллар:
Тэрийээччилэр суруйалларынан, хамаанданан күрэхтэһиигэ кыайыылаахтары быһаарыы хамаанда чилиэннэринэн балык уопсай ыйааһын көрөн оҥоһуллар. Хамаанданан түмүккэ кыайыылаахтар уонна призердар дипломнарынан, сыаналаах бириистэринэн наҕараадаланаллар. Бастакы миэстэни ылбыт хамаандаҕа көһө сылдьар Куубак туттарыллар. Сиһилии күрэх балаһыанньатын бу сигэнэн киирэн билсиҥ: https://www.sakhaparliament.ru/obshchestvo/23605-v-yakutske-projdut-sorevnovaniya-po-podlednomu-lovu
Санаттахха, бу сыл балаҕан ыйын 25 күнүгэр өрөспүүбүлүкэ парламенын “Ил Түмэн” хаһыатын маҥнайгы нүөмэрэ тахсыбыта 25 сылын туолла. Үйэ чиэппэрин анараа өттүгэр 1999 сыллаахха Судаарыстыбаннай Мунньах (Ил Түмэн) II ыҥырыытын дьокутааттарын быһаарыыларынан «Ил Түмэн» хаһыат бастакы нүөмэрэ күн сирин көрбүтэ.
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…
Аныгы үйэҕэ күннээҕи олохпутугар туох буортулааҕын, киһи этигэр-сиинигэр хайдах дьайарын биллэхпитинэ, быһаарыстахпытына эрэ, бэйэбит уонна…
Оҕону көрөргө уоппусканы ийэ эрэ ылыахтаах диэн буолбатах. Сокуон быһыытынан аҕа, эбээ, эһээ, атын аймахтар…
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…
Горнай улууһун дьаһалтатын исписэлиистэрэ Горнайдааҕы экологическай кэтэбил иниспиэксийэтин кытары бииргэ Бүтүн Арассыыйатааҕы «Өйдөбүл саада» экологическай…