Дьокуускайга эдэр киһи хас даҕаны түөкүннээһиҥҥэ уорбаланар

Дьокуускайдааҕы ИДьМ үлэһиттэрэ эрдэ сууттана сылдьыбыт 26 саастаах олохтоох киһи түөкүннээһиҥҥэ уорбаланарын быһаардылар. Бу туһунан СӨ ИДьМ пресс-сулууспата иһитиннэрэр.

Быһаарыллыбытынан, хара санаалаах киһи социальнай ситимҥэ эмсэҕэлээччини кытта билсибит. И. кыыһы тылыгар киллэрэн, 124 тыһ.солк. иэс ылбыт уонна сибээстэн сүппүт.

Силиэстийэ кэмигэр быһаарбыттарынан, бу киһи маныаха майгынныыр өссө икки түөкүннээһиҥҥэ кыттыгастааҕа биллибит. Бииригэр 300 тыһ.солк., иккиһигэр 10 тыһ.солк. албыннаан туран дьонтон суйдаабыт.

Түөкүннээһининэн холуобунай дьыала тэрилиннэ.