Дьокуускайга эдэр уол дьахтартан 50 тыһ.солк. уорбут

ИДьМ сулууспатын Дьокуускайдааҕы 1 №-дээх полициятын дьуһуурунай чааһыгар дьахтар баанын счетуттан 50 тыһыынча солкуобайы уорбуттарын туһунан тыллаабыт.

Полиция холуобунай ирдэбилин үлэһиттэрин суһал-ирдиир дьаһалларынан урут сууттана сылдьыбыт 18 саастаах олохтоох уолу туппуттар.

Уорбаланааччы эдэр уол дьахтары кытта куорат биир түүҥҥү кулуубугар билсибитэ быһаарыллыбыт. Кэлин киэһэлик иккиэн атын сиргэ барарга санаммыттар. Онно дьахтар мобильнай сыһыарыынан харчы төлөөбүт уонна араарбатах. Итини хара санаалаах бэлиэтии көрөн, дьахтар төлөпүөнүн уларсык ылбыт. Бу кэмҥэ кини баан счетуттан 50 тыһыынча солкуобайы уорбут. Харчыны тус наадатыгар туһаммыт.

Холуобунай кодексын 3 ч. 158 ыст. холуобунай дьыала тэрилиннэ. Эдэр уол 6 сылга диэри болдьоххо көҥүлэ быһыллыан сөп, диэн Саха сиринээҕи ИДьМ пресс-сулууспата суруйар.