Дьокуускайга эдэр уол дьиэ кыылыгар хаҕыс сыһыанынан үс сылга көҥүлэ быһыллыан сөп
12.10.2024, 09:30
Хаартыска: СӨ Борокуратууратын пресс-сулууспата
Бөлөххө киир:
Дьокуускайга дьиэ кыылыгар хаҕыс сыһыан чахчытынан холуобунай дьыала тэрилиннэ. Бу туһунан Саха сирин Борокуратууратын пресс-сулууспата иһитиннэрдэ.
Ол курдук эдэр уол куоска оҕотугар хаҕыс сыһыанын түбэлтэтинэн холуобунай дьыала тэрилиннэ. Бу иннинэ Саха сиригэр социальнай ситимнэринэн уонна көрдөрөр-иһитиннэрэр хампаанньаларынан эдэр уол куоска оҕотугар хаҕыс сыһыанын видеота тарҕанан, олус элбэх киһини долгуппута.
«Холуобунай дьыала көбүтүллүүтүгэр Дьокуускай куорат олохтооҕо дьиэ кыылын эрэйдээн доруобуйатыгар буортуну оҥорбут төрүөтэ буолар», – диэн биэдэмэстибэҕэ бэлиэтээтилэр. Эр киһи үс сылга диэри көҥүлэ быһыллыан сөп.
Санатан эттэххэ, эдэр киһи биир олорор кыыһын куоскатыгар хаҕыстык сыһыаннаспыта биллэр. Кыыс үлэлиир кэмигэр уол кыылы эрэйдиир видеота тарҕаммыта. Куоска икки сиринэн сис тоноҕоһо тостубут, өттүк уонна сыҥааҕын уҥуохтара хайдыбыт.
+1
+1
1
+1
+1
+1
6
+1
+1
3
Сообщить об опечатке
Текст, который будет отправлен нашим редакторам: