Дьокуускайга “Эйэ туһугар норуоттар сомоҕолоһуулара” (“Единство народов во имя мира”) Ыччат пуорума саҕаланар

Норуот сомоҕолоһуутун күнүн чэрчитинэн бүгүн Дьокуускайга “Эйэ туһугар норуоттар сомоҕолоһуулара” Ыччат пуорума саҕаланар, диэн Тас сибээскэ уонна норуоттар дьыалаларыгар министиэристибэтэ иһитиннэрэр. Бу туһунан sakha.gov.ru суруйар.

“Пуорум көхтөөх ыччаты түмэр былаһаакканан буолуоҕа. Бу сыала – национальностар уонна конфессиялар икки ардыларыгар ыччат ортотугар духуобунай өттүнэн байытыыга үлэлээһин, кэскиллээх кэпсэтии”, — диэтилэр биэдэмистибэҕэ.

Бырагыраамаҕа “Духовно-нравственное воспитание. Традиционные ценности в современном мире” тиэмэҕэ кэпсэтии, лиэксийэлэр, дьыалабыай оонньуу күүтэллэр.

Тэрээһин А.Е.Кулаковскай аатынан Норуоттар доҕордоһууларын дьиэтигэр ыытыллыаҕа.