Дьокуускайга экс-урбаанньыт 9 тыһ.солк. сибэкки солуонун албыннаабыт

Дьокуускай 4 №-дээх полиция отделын дьуһуурунай чааһыгар сибэкки солуонун үлэһитэ сайабылыанньа суруйбут. Кини быһаарбытынан, урбаанньыт табаары төлөбөтөх.

Силиэстийэ быһаарыытынан, урбаанньыт 9 тыһ.солк. икки букет сибэккини ылбыт уонна харчы сотору кэминэн счетуттан киириэҕэ диэн эрэннэрбит. Бу туһунан Саха сиринээҕи ИДьМ пресс-сулууспата суруйар.

Холуобунай ирдэбил үлэһиттэрэ уорбаланааччы лиичинэһин быһаарбыттар. Хара санаалаах 31 саастаах үлэтэ суох киһи буолара биллибит. Быһаарыллыбытынан кини чахчы урут урбаанньыт эбит да, соторутааҕыта биисинэһин тохтоппут. Сибэккини атыылаһар кэмигэр эр киһи харчыта суох расчетнай счетун ыйбыт. Кини этэринэн, сибэкки дьөрбөтүн кыыһыгар бэлэхтээбит. «Түөкүннээһин» ыст. холуобунай дьыала тэрилиннэ. Уорбаланааччы 2 сылга диэри көҥүлэ быһыллыан сөп.