Дьокуускайга элбэх этээстээх дьиэҕэ баһаар буолла

Бүгүн, олунньу 22 күнүгэр, ЫБММ Саха сиринээҕи управлениетыгар Дьокуускайга Орджоникидзе уулуссатын 49 №-дээх дьиэтигэр баһаар буолбутун туһунан суһал иһитиннэрии киирбит.

Элбэх этээстээх дьиэҕэ уоту умуруора баһаарынайдар суһаллык тиийдилэр. Уот иккис этээскэ баар кыбартыыраҕа күөдьүйбүт. Олохтоохтору, 40 киһини куттала суох сиргэ эвакуациялаатылар. 

60 кв.м. иэн уокка былдьанна. Уот туохтан күөдьүйбүтүн быһаараллар.