Дьокуускайга элбэх кыбартыыралаах дьиэлэргэ ититиини биэрдилэр

Дьокуускайга үс хаарбах туруктаах дьиэттэн ураты элбэх кыбартыыралаах дьиэлэргэ ититиини биэрдилэр. Ол эрээри кыбартыыраларга билигин даҕаны сөрүүн диэн куорат олохтоохторуттан иһитиннэриилэр киирэллэр.

Ааспыт нэдиэлэ устата 220 сайаапка киирбит, онтон 41-э толоруллубатах. Куорат дьаһалтата иһитиннэрбитинэн, үгүс сайаапка ититии систиэмэтигэр салгын хаайтарыытын кытта сибээстээх.

Бүтүн куораттааҕы планеркаҕа баһылык Евгений Григорьев салайар хампаанньалары кытта үлэни күүһүрдэргэ, кыбартыыраларга ититии киириитин хонтуруоллуур туһунан соруйда.