Дьокуускайга элбэх кыбартыыралаах дьиэлэринэн ититии балаҕан ыйын 15 күнүгэр диэри холбонуоҕа

Дьокуускайга элбэх кыбартыыралаах дьиэлэринэн 57% ититиини биэрбиттэр. Дьокуускай баһылыга Евгений Григорьев дьаһалынан бу сыл балаҕан ыйын 15 күнүгэр диэри элбэх кыбартыыралаах бары дьиэлэринэн ититии бэриллиэҕэ.

Куоракка 74 хочуолунай баарыттан билигин 59-һа үлэлээбит. Бүгүн, балаҕан ыйын 9 күнүгэр, куорат дьаһалтатын планеркатыгар иһитиннэрбиттэринэн,  оттук сезонугар бэлэмнэрин туоһулуур пааспарын билигин даҕаны элбэх дьиэ ыла илик. Ол курдук 2869 дьиэттэн докумуон 1231 дьиэҕэ бэриллибит.

Санаттахха, Ааспыт нэдиэлэҕэ бары муниципальнай оскуолаларга, оҕо уһуйааннарыгар уонна эбии үөрэхтээһин тэрилтэлэригэр ититии холбоммута. Куорат үрдүнэн уопсайа 96% социальнай эбийиэктэр пааспардарын ылбыттар.