Дьокуускайга элбэх оҕолоох дьиэ кэргэттэр оҕолоро сэтинньи 4 күнүттэн автобуска босхо айанныахтара

Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан куораттааҕы суол-тырааныспар сулууспатын салайааччыта Эдуард Садовников иһитиннэрдэ.

Уопсастыбаннай тырааныспарга анал каартанан босхо айанныыгын. Ону ылар туһугар төрөппүттэр үөрэх тэрилтэтигэр сайабылыанньа суруйуохтарын наада.

Чэпчэтии куораттааҕы итиэннэ куорат таһынааҕы маршруттарга киирэр, таксига киирбэт. Каарта ыйга 96 босхо айаҥҥа суоттаммыт, биир сууккаҕа түөртэ айанныахха сөп.