Дьокуускайга элбэх уорууга уорбаланааччыны туттулар

ИДьМ пресс-сулууспата иһитиннэрбитинэн, Дьокуускай куорат 1-кы №-дээх полиция салаатыгар массыына хаһаайына үҥсүү түһэрбит. Кини дьиэтин таһыгар массыынатын хатаабакка аһаҕас хаалларан кэбиспит, ол түмүгэр бордочуогуттан 100 тыһ.солк. уорбуттар.

Суһал көрдөөһүн үлэтин түмүгүнэн, полиция үлэһиттэрэ 39 саастаах уорбаланааччыны туппуттар. Уорбаланааччы уорбут харчытын барытын тус наадаларыгар туттан кэбиспит.

Бэрэбиэркэ кэмигэр биллибитинэн, бу киһи өссө биир уорууга уорбаланара биллибит. Барга сылдьан кини биир киһини кытта билсэн арыгы испит, билсиспит киһитэ утуйбутунан туһанан харытыттан смарт-чаһытын устан ылбыт, сиэбиттэн суотабай төлөпүөнүн уонна баан каартатын сойбоппут. Хоромньу уопсай сууммата 60 тыһ.солк. тэҥнэспит. Уорбут малын кини барытын атыылаабыт, каартаттан харчыны устан туттубут уонна быраҕан кэбиспит.

Арассыыйа Федерациятын холуобунай кодексатын 158 ыст. 2 ч. холуобунай дьыала тэриллибит.