Дьокуускайга элбэх уорууга уорбаланааччыны туттулар

ИДьМ пресс-сулууспата иһитиннэрбитинэн, Дьокуускайдааҕы  полиция 2 №-дээх  салаатыгар   үҥсүү киирбит. Ол курдук, Лермонтов уулуссаҕа баар маҕаһыынтан  хаста даҕаны электрическэй устурууһу уорбуттар.

Суһал көрдөөһүн үлэ түмүгүнэн, холуобунай ирдэбил үлэһиттэрэ эрдэ сууттана сылдьыбыт 62 саастаах уорбаланааччыны туппуттар. Уорбаланааччы атыылаһааччы курдук маҕаһыыҥҥа киирбит уонна маҕаһыын долбууруттан электрическэй устурууһу ылан баран тахсан барбыт. Маҕаһыыҥҥа иккитэ киирэн  уоран тахсыбыт. Силиэстийэ кэмигэр биллибитинэн, эр киһи өссө биир уорууга сыһыаннааҕа биллибит.  Ол курдук, кафе үлэһититтэн  50 тыһ.солк. суумалаах смартфону сойбоппут. Уоруллубут төлөпүөн төннөрүллүбүт.

Арассыыйа Федерациятын холуобунай кодексатын 158 ыст. 1 уонна 2 ч. «Уоруу» диэнинэн холуобунай дьыала тэриллибит.