Хаартыска: СИА
Быйыл ыам ыйын 9 күнүгэр «Өлбөт үйэлээх полк» киин куоракка Хабаров аатынан уулуссанан ыытыллыаҕа. Холуонна хаамыыта Чиряев аатынан уулуссаттан саҕаланыа.
Аахсыйаны тэрийээччилэр нэһилиэнньэҕэ куттала суох буолуу биир сүрүн соругунан буоларын бэлиэтииллэр. Итинтэн сиэттэрэн бэрээдэги хааччыйыыга сэттэ хонтуруоллуур-аһарар пууннар тэриллиэхтэрэ.
Холуонна тырааныспарын сырыытын тэрийэргэ Хабаров аатынан уулусса сабыллыаҕа. Ону таһынан Богдан Чижик уулусса сорох учаастага уонна Федор Попов уулусса быһа охсуһуута эмиэ сабыллар. Хонтуруоллуур-аһарар пууннар Ленин проспегар, Сивцев-Суорун Омоллоон, Роман Дмитриев уонна Ярославскай уулуссаларыгар тэриллиэхтэрэ.
«Кыттааччылар «Өлбөт үйэлээх полк» хамсааһын бэрэстэбиитэллэриттэн уонна Кыайыы волонтердарыттан көмө уонна консультация ылыахтарын сөп»,- диэн «Өлбөт үйэлээх полк» Бүтүн Арассыыйатааҕы гражданскай-патриотическай хамсааһын эрэгийиэннээҕи салаатын салайааччыта Ньургуйаана Стручкова кэпсээтэ.
Холуонньа кыттыылаахтара сарсыарда 11.00 чаастан мустуохтара, ол эрээри уулуссаларынан айан-сырыы сарсыарда 8.00 чаастан тохтотуллар. Тэрийээччилэр ураты болҕомтолорун хаамыыга бэлэмнээһиҥҥэ уураллар. Мэтириэттэри «Мин докумуоннарым» киин үлэһиттэрэ босхо бэчээттээн өҥө оҥоруохтара. Өҥөнөн муус устар 29 күнүттэн ыам ыйын 7 күнүгэр диэри Дьокуускай куорат, Аммосов уулуссата, 18 №- дээх дььиэ офиска туһаныахха сөп. Офис күн ахсын үлэлиир. Ону таһынан электроннай почтанана хаартыскалары эмиэ ыытар кыах көрүллэр. Хаартыскалара md_polkrf@mail.ru. электроннай почтаҕа туталлар. Маршрут бүтүүтэ, Богатырев аатынан уулуссаҕа, дьиэ кэргэнинэн хаартыскаҕа түһэргэ «Өлбөт үйэлээх полк» фотозона тэриллиэҕэ.
"Ялта-Якутск" диэн Крым өрөспүүбүлүкэтин олохтоохторугар анаан эрэгийиэннэр икки ардыларынааҕы бырайыак чэрчитинэн Саха сирин олохтоох норуоттарын…
Дьокуускайга Саха сириттэн Сэбиэскэй Сойуус бастакы Дьоруойа Федор Попов, итиэннэ Аҕа дойду Улуу сэриитин I…
Оскуолаҕа киириэм иннинэ Күөрүлэ диэн кыракый алааска олорбуппут. Аҕыйах туруу үлэһит дьонноох, сайдам-дьэллэм ыаллардаах алаас…
Дьокуускайга ыам ыйын 6 күнүгэр «Тэтим» араадьыйа 95 сылыгар хапсаҕайга аһаҕас турнир буолуоҕа. Ол туһунан…
Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинин хирургияҕа отделениета муус устар 22 күнүттэн Нерюнгри улууһун…
Бүгүн, муус устар 25 күнүгэр, Дьокуускайга Мэҥэ Хаҥалас улууһун дьаһалтатын салалтата уонна Арассыыйа билимин академиятын…