Хаартыска: СИА архыыбыттан.
Бу күннэргэ Покровскай-Дьокуускай учаастагар Өлүөнэ өрүскэ муус хамсааһына күүтүллэр.
Ыам ыйын 13 күнүгэр сарсыарда Өлүөнэ өрүскэ Ленскэй уонна Өлүөхүмэ оройуоннарыгар муус хойуутук устар. Бу туһунан брифиҥҥэ Уу ресурсаларын федеральнай ааҕыныстыбатын Өлүөнэ бассейновай управлениетын салайааччыта Петр Аргунов иһитиннэрдэ.
«Бүтэһик иһитиннэриинэн, көмүөл мууһун алын кырыыта Өлүөхүмэ улууһун Саҥыйахтаах бөһүөлэгиттэн аллараа бэлиэтэннэ. Уу таһыма намыһах. Итиэннэ, территорияныхалаан уута ылбыта бэлиэтэммэтэ», — диэн Петр Аргунов иһитиннэрдэ.
Суһал ыстааб чахчыларынан, Алдан өрүскэ Кэбээйи, Уус Алдан, Томпо оройуоннарын муус хойуутук ааһар. Алын кырыыта өрүс уһугар таҕыста. Үөһээ кырыыта Охотскай перевоз сэлиэнньэ аннынан бэлиэтэннэ, муус сэдэхтик устар. Чугастааҕы икки- үс сууккаҕа муус Кэбээйи уонна Уус Алдан оройуоннарынан ааһыаҕа.
Бүлүү өрүскэ муус хамсааһына Сунтаар, Ньурба, Үөһээ Бүлүү уонна Бүлүү оройуоннарын территориятынан бэлиэтэнэр. Алын кырыыта Бүлүү куорат аннынан муус сэдэхтик устар.
Халыма өрүскэ Магадан уобалаһын территориятынан муус хойуутук ааһар. Ыам ыйын 13-14 күннэригэр Үөһээ Халыма оройуонун Зырянка бөһүөлэгин муус хамсыыра, ыам ыйын 17 күнүгэр – муус хойуутук ааһара күүтүллэр.
Оҕуруот аһын сыаната мантан күһүн өссө түһүөҕэ. Билигин помидор сыаната киилэтигэр 15-200 солкуобайга халбаҥныыр, кабачок…
«Национальнай Лотерея» «Мечталлион» лотерея 154-с тираһын Саха сириттэн кыайыылааҕын көрдүүр. Кыайыылаах биир мөлүйүөн солкуобайы сүүйбүт…
Бастакы кылааска киирэн баран, оҕо уутун хаммат, начаас сылайар, уруок ааҕыан баҕарбат буоллаҕына, оҕону ыгар-түүрэр…
Илиҥҥи экэнэмиичэскэй пуорум «Уһук Илин сайдыытын күүһэ – үөрэхтээһин» диэн сессиятыгар СӨ Бэрэссэдээтэлин солбуйааччыта Анатолий…
Быйыл саахсаланан ыал буолбуттар, 50 эбэтэр онтон элбэх сыл олорбут Арассыыйа дьиэ кэргэттэрэ, эрэгийиэн таһымыгар…
Саха сиригэр биллэр уопсастыбанньык, адаптивнай күрэсчит, 1 группалаах инбэлиит, диализтаах уонна уорганнарын көһөртөрбүт ыарыһахтар уопсастыбаларын…