Дьокуускайга эр киһи 9 саастаах оҕоттон төлөпүөн былдьаабыт

ИДьМ 2 №-дээх полициятын отделын дьуһуурунай чааһыгар Дьокуускай куорат олохтооҕо 9 саастаах кыыс оҕоттон 17 000 солк. суумалаах төлөпүөнү уорбуттарын туһунан сайабылыанньа киллэрбит. Кыыс оҕо тахсыбыт быһылаан туһунан дьиэтигэр тиийэн аҕатыгар тыллаабыт.

Суһал-көрдүүр дьаһалларынан холуобунай ирдэбил үлэһиттэрэ уорбаланааччы ким буоларын уонна быһылаан тахсыбыт миэстэтин быһаардылар. Уорбаланааччы 47 саастаах Санкт-Петербург куорат олохтооҕо буолара билиннэ. Бу туһунан СӨ ИДьМ пресс-сулууспата суруйар.

Эр киһи оҕо былаһааккатыгар тиийэн, кыыс оҕо төлөпүөнүттэн эрийэргэ көрдөспүт. Төлөпүөнү илиитигэр ылан баран, тутатына быһыылан тахсыбыт миэстэтиттэн куоппут. Уорбаланааччы төлөпүөнү атыылаабыт уонна харчыны тус наадатыгар туһаммыт.
РФ Холуобунай Кодексатын 1 ч. 161 ыст. холуобунай дьыала тэрилиннэ.