Дьокуускайга эр киһи банкоматтан харчы уорбут

Дьокуускайдааҕы полиция 2 №-дээх отделын дьуһуурунай чааһыгар дьахтар 108 тыһ. солк. харчыта уоруллубутун туһунан тыллаабыт.

Саха сиринээҕи ИДьМ сулууспата иһитиннэрэринэн, суһал-ирдиир дьайыыларын түмүгэр холуобунай ирдэбил үлэһиттэрэ уорбаланааччыны быһаарбыттар. Урут сууттана сылдьыбыт 36 саастаах эр киһи тутуллубут.

Силиэстийэ быһаарбытынан, эмсэҕэлээччи киин куорат биир бааныгар  каартатыттан харчытын устуон баҕарбыт. Банкомат каартаны төннөрдөр даҕаны, харчыта купюроприемниктан тахсыбатах. Ону кэтэспэккэ, дьахтар баан үлэһиттэригэр көмө көрдөөрү барбыт. Кини барбытын кэннэ банкомат харчыны таһаарбыт, ону хара санаалаах көрөн туһаммыт. Уорбаланааччы ким да көрбөтүнэн туһанан, атын киһи харчытын уорбут. Уоруллубут харчыны тус наадатыгар туһаммыт. РФ Холуобунай кодексатын 158-с ыстатыйатын 2-с чааһынан («Уоруу») холуобунай дьыала көбүтүлүннэ. Бу ыстатыйанан эр киһи 5 сылга диэри көҥүлэ быһыллыан сөп.