Дьокуускайга эр киһи дьахтары сүгэнэн саайан өлөрө сатаабыт

Дьокуускайга 40 саастаах эр киһиэхэ өлөрүүгэ холоммутунан холуобунай дьыала тэрилиннэ. Бу туһунан СӨ Силиэстийэлиир кэмитиэтэ иһитиннэрэр.

Силиэстийэ матырыйаалын дааннайдарынан, быһылаан бу сыл муус устар 9 күнүгэр Дьокуускайга Пристанскай уулуссаҕа буолбут. Буруйданааччы итирик туруктаах сылдьан күнүүлээбит санаатыгар билэр дьахтарын илиигэ, атахха, эккэ-сииҥҥэ элбэхтэ саайталаабыт. Ол саба түһүүтүгэр өссө сүгэ кэннинэн дьахтары төбөҕө саайа сатаабыт.

Дьахтар эр киһиттэн сүгэни былдьаабыт уонна куоппут.

Билигин силиэстийэ бара турар.