Дьокуускайга эр киһи өлүүтүнэн холуобунай дьыала көбүтүлүннэ

Дьокуускай куоракка эр киһи өлүүтүнэн холуобунай дьыала көбүтүлүннэ. Бу туһунан СӨ Силиэстийэлиир кэмитиэтэ иһитиннэрдэ.

2025 сыл алтынньы 18 күнүгэр   35 саастаах  эр киһи Дьокуускайга  балыыһаҕа киирбит. Кини кырбанан эчэйбитин туһунан кэпсээбит. Хомойуох иһин, эр киһи сотору кэминэн өлбүт. Мэдиссиинискэй чинчийии кэмигэр быһаарыллыбытынан, эр киһи түөһүн уҥуоҕа тостон, онтута иһэн, сүһүрэн  (воспаление) өлбүт.

Туһааннаах түбэлтэнэн СӨ Силиэстийэлиир кэмитиэтин Дьокуускай куораттааҕы салаата РФ Холуобунай кодексын 111 ыст. 4 ч.  (умышленное причинение тяжкого вреда здоровью, повлекшее смерть человека) холуобунай дьыала көбүттэ.