Дьокуускайга эр киһи хас да ыйы быһа оҕо аһылыгын уора сылдьыбыт

Дьокуускай куорат полициятын отделыгар оҕо табаардарын маҕаһыынын бэрэстэбиитэлиттэн уоруу буолбутун туһунан сайабылыанньа киирбит. Хоромньу 104 тыһ.солк. тэҥнэспит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ маныаха уорбаланар 32 саастаах эр киһини быһаарбыттар.

Биллибитинэн, уорбаланааччы икки ый устата маҕаһыын саайтыттан оҕо аһылыгын сакаастаабыт. Сакааһын ылан баран, маҕаһыын долбуурдарыттан үкчү табаардары ылан бэйэтин онлайн-сакаастарын курдук ылан барар эбит. Ол уорбут табаардарын саайтарга биллэрии таһааран атыылаабыт.

Уоруунан холуобунай дьыала тэриллибит.