Дьокуускайга эр киһи наркотигы сокуоннайа суох атыылыы сатаабытынан 7 сылга көҥүлэ быһылынна

Дьокуускай куорат борокуратуурата Амур уобалаһын 30 саастаах олохтооҕор сыһыаннаахн холуобунай дьыалатыгар судаарыстыбаннай буруйдааһынын өйөөтө.

Кини РФ ХК 30-с ыстатыйатын 3-с чааһынан — 228.1-с ыстатыйатын 4-с чааһын «а», «г» пууннарынан сууттанна.

Суукка быһаарыллыбытынан, сууттанааччы эрэгийиэннэр икки ардыларыгар курьер буолан, кулун тутар 29 күнүгэр Благовещенскайтан Дьокуускайга наркотигы тарҕатар сыаллаах кэлбит. Эр киһи Саха сиригэр 14 сиргэ наркотигы кистээн  уура сатаабыт (закладка), ол эрээри суһал-ирдэбил тэрээһиннэр кэмнэригэр тутуллубут.

Суукка сууттанааччы буруйун толору билиммит. Суут судаарыстыбаннай буруйдааччы этиитин учуоттаан, эр киһини кытаанах эрэсиимнээх көннөрөр холуонньаҕа хаайарга, 7 сылга көҥүлүн быһарга бириигэбэри анаата. Бириигэбэр сокуоннай күүһүгэр киирэ илик диэн СӨ Борокуратууратын пресс-сулууспата иһитиннэрэр.