Мария Васильева хаартыската, СИА.
ИДьМ Дьокуускайдааҕы полиция салаатын дьуһуурунай чааһыгар баанын счетуттан 10 тыһ. солк. сүппүтүн туһунан эр киһи кэлэн сайабылыанньа суруйбут.
Суһал-көрдүүр үлэ түмүгэр, холуобунай көрдөөччүлэр эрдэ сууттана сылдьыбыт, Мэҥэ Хаҥалас улууһуттан төрүттээх 36 саастаах киһи буоларын быһаарбыттар.
Эр дьон Дьокуускай куорат биир түүҥҥү аралдьытар кулуубугар билсибиттэр эбит. Билсэн баран уорбаланааччы эр киһиэхэ 1 тыһ. солк. иэс биэрэригэр көрдөспүт.
Эмсэҕэлээччи этэринэн, кини улахан итирик буолан счеппуттан бэйэҥ ыыт диэн төлөпүөнүн биэрбит. Буруйу оҥорооччу мобильнай бааҥҥа киирэн бу киһи счетугар хас даҕаны тыһыынча баарын көрөн баран, балаһыанньаны мүччү туппаттыы санаммыт. Эр киһи итирик буолан харчыта сүппүтүн өйдөөн көрүө суоҕа дии санаан, бэйэтин счетугар 10 тыһ. солк. ыыппыт. Эмсэҕэлээччи харчыта сүппүтүн тута билбэтэх, хас даҕаны нэдиэлэ буолан баран төһө элбэх харчыны, ханна ыыппытын бэрэбиэркэлии олорон булан ылбыт. Тута полицияҕа тиийбит.
Хоромньу төннөрүллүбүт.
Холуобунай кодекс 158 ыст. 3 ч. “Уоруу” холуобунай дьыала тэриллибит, тустаах ыстатыйанан 6 сылга диэри көҥүлэ быһыллыан сөп. Бу туһунан ИДЬМ Дьокуускайдааҕы пресс-сулууспата иһитиннэрэр.
Ленскэй оройуонун олохтооҕо маарката суох, ГОСТ ирдэбилигэр эппиэттээбэт арыгынан эргинээри сууттаммыт. Ол курдук, 60 саастаах…
Ыам ыйын 29 күнүгэр Таатта улууһун Харбалаах сэлиэнньэтин уһуйааныгар самаан сайыны көрсө “Үрүҥ тунах” ыһыах…
-- Байыаннай дьайыы зонатыгар сылдьар эбэтэр госпитальга сытар байыаннай сулууспалаах электроннай каартатынан атын киһи (аймаҕа,…
Аллараа Халыма улууһун Черскэй бөһүөлэгэр 17 саастаах оҕо киһини улаханнык эчэтэн, өлүүгэ тиэрдибитинэн холуобунай дьыала…
Ил Дархан Айсен Николаев оробуочай сырыытынан Аллараа Халыма оройуонугар сылдьан улуус баһылыга Ярослав Бандеровтыын көрүстэ.…
ИДьМ Нерюнгритааҕы отделын дьуһуурунай чааһыгар суһал көмө диспетчерэ 36 саастаах эр киһи быһаҕынан анньыллан балыыһаҕа…