Дьокуускайга эр киһи бииргэ олорор дьахтартан үрүҥ көмүс киэргэллэри уорбут

«Дьокуускайдааҕы» 4 №-дээх полиция отделын дьуһуурунай чааһыгар Дьокуускай куорат олохтооҕо үрүҥ көмүс киэргэллэрэ уоруллубуттарын туһунан тыллаабыт.

Матырыйаалынай хоромньу суумата 15 тыһыынча солкуобайга тэҥнэспит. Суһал-көрдүүр дьаһалларынан холуобунай ирдэбил үлэһиттэрэ уорбаланааччыны быһаардылар. Хара санаалаах Орто Халыма улууһуттан төрүттээх 32 саастаах эр киһи буолара биллибит.

Силиэстийэҕэ быһаарыллыбытынан, эмсэҕэлээччи кыбартыыратын биир хоһун куортамнаһан олорбут. Дьахтар  суоҕунан туһанан, эр киһи эмсэҕэлээччи хоһугар аан хатааһынын быһаҕынан алдьатан киирэн, үрүҥ көмүс биһилэхтэри уонна ытарҕалары уоран ылбыт. Уоруллубут киэргэллэри эр киһи атыылаабыт уонна харчыны бэйэтин наадатыгар туһаммыт.

РФ  Холуобунай кодексатын 158-с ыстатыйатын 2-с чааһынан («Уоруу») холуобунай дьыала көбүтүлүннэ. Эр киһи биэс сылга диэри көҥүлэ быһыллыан сөп. Бу туһунан СӨ ИДьМ пресс-сулууспата иһитиннэрэр.