Дьокуускайга өрөбүл күннэргэ 13 суол быһылаана тахсыбыт, биир киһи эмсэҕэлээбит
28.07.2025, 16:30

Хаартыска: киин куораттааҕы Госавтоинспекция пресс-сулууспата
Бөлөххө киир:
Ааспыт өрөбүл күннэргэ Дьокуускайга 13 суол быһылаана бэлиэтэннэ, онтон биирдэстэригэр биир киһи эмсэҕэлээбит. Бу туһунан киин куораттааҕы Госавтоинспекция пресс-сулууспата иһитиннэрэр.
От ыйын 26 күнүгэр сарсыарда 9 чаас саҕана Костюшко-Валюжанич уулуссатын 25/1 №-дээх дьиэтин аттыгар 64 саастаах суоппар «Тойота-Королла» массыынанан Можайскай уулуссатыттан Намныыр тракт диэки айаннаан испит. Суол тоҕойугар эргийэригэр кини «Тойота-Марк 2» массыынаҕа суолу туораан биэрбэтэҕин түмүгэр, саахал тахсыбыт. Суол саахалын түмүгэр «Тойота-Королла» массыына суоппара эчэйиини ылбыт. ГАИ суол кыттыылаахтарын уруулга сэрэхтээх уонна эппиэтинэстээх буолалларыгар ыҥырар.
Сообщить об опечатке
Текст, который будет отправлен нашим редакторам: