Хаартыска: Андрей Сорокин, ЯСИА
Дьокуускайга 2-с №-дээх куораттааҕы балыыһа SMART-поликлиникатын үөрүүлээх аһыллыыта буолла.
Гагарин уокуругар баар саҥа мэдиссиинэ киинэ биир симиэнэҕэ 600 киһини ыларга анаммыт. Аныгылыы поликлиника сэтинньи 25 күнүттэн ыарыһахтары көрөн саҕалыаҕа. Үөрүүлээх аһыллыыга СӨ Ил Дархана Айсен Николаев кытынна.
«Бүгүн мин 2-с №-дээх куораттааҕы балыыһа поликлиникатын үөрүүлээх аһыллыытыгар сылдьарбыттан олус үөрэбин. Балыыһа урут үлэлиир усулуобуйата, биллэн турар, бүгүҥҥү доруобуйа харыстабылыгар баар ирдэбиллэртэн ырааҕынан хаалар этэ. Өссө 2019 сыллаахха мин Дьокуускай куораты сайыннарыы чэрчитинэн поликлиника дьиэтэ хайаан да тутуллуохтаах диэн быһаарыыны ылыммытым. Бу биһиги өрөспүүбүлүкэбитигэр саамай улахан поликлиника буолар. Кини саамай аныгылыы оборудованиенан хааччыллыбыт. Бу поликлиникаҕа сыһыарыллыахтаах 55 тыһыынча киһи диагностика уонна мэдиссиинэ көмөтүн оҥоһуллуутун хаачыстыбата тупсубутун бэйэлэригэр билиэхтэрэ диэн эрэнэбин», – диэн Ил Дархан Айсен Николаев бэлиэтээтэ.
Тоҕус тыһыынча кэриҥэ квадратнай миэтэрэ иэннээх сиргэ 120 киһини көрөр дьахтар консультацията, күнүскү стационар, диагностическай уонна терапевтическэй отделениелар, сардаҥанан диагностикалыыр отделение, чөлүгэр түһэрэр эмтээһин, клинико-диагностическай лаборатория, суһал көмө уонна стоматология кабинеттара бааллар.
Поликлиника аныгылыы магнитно-резонанснай уонна компьютернай томографтарынан, цифровой ультразвуковой диагностикалыыр системаларынан, ону таһынан экспертнэй кылаастаах рентген, эндоскопическай, маммографическай уонна флюорографическай оборудованиеларынан хааччыллыбыт.
SMART-поликлиниканы «ВИС» Бөлөх Саха сирин бырабыыталыстыбатын кытта судаарыстыбаннай-чааһынай партнерство сөбүлэҥинэн, бүддьүөттэн тас үбү тардан тутан оҥордо. Кирэдьииттээһин уонна мэктиэ быһыытынан Газпромбанк буолла. Кини тутуу үбүлээһинин 60%-н кэриҥин кирэдьиит быһыытынан хааччыйда. Саҥа поликлиника тутуллуута өрөспүүбүлүкэ доруобуйатын харыстабылын тиһигэ сайдарыгар уонна Бэрэсидьиэн Владимир Путин көҕүлээбит «Уһун уонна көхтөөх олох» национальнай бырайыак соруктарын быһаарыыга көмөлөһүөҕэ.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…