Хаартыска: ЯСИА
Ааспыт нэдиэлэ устата Саха сиринээҕи Росгвардия подразделениелара харабылланар эбийиэктэртэн киирбит 152 иһитиннэриинэн тахсыбыттар, ол түмүгэр 93 быраабы кэһээччи тутуллан, полиция отделларыгар бэриллибит.
Биир түбэлтэҕэ, Росгвардия үлэһиттэрэ Петр Алексеев уулуссаҕа аралдьытар тэрилтэттэн суһал иһитиннэрии киирбитин кэннэ, Дьокуускай куорат 20-лээх икки олохтооҕун туппуттар. Росгвардеецтар быһаарбыттарынан, үс эр киһи охсуспут, ол түмүгэр биир кыттааччы балыыһаҕа киирбит. Ону таһынан, айдаарбыт эр дьон дьайыыларыттан тэрилтэҕэ 35 тыһыынча солкуобай суумалаах матырыйаалынай хоромньу оҥоһуллубут.
Ону тэҥэ, Дьокуускайга росгвардеецтар ВАЗ-2106 массыынаны күрэппит дьону түргэнник туппуттар. Можайскай уулуссаҕа баар дьиэ тиэргэниттэн массыына күрэппиттэрин туһунан иһитиннэрии киирбитин кэннэ, бары патрульнай экипажтарга суһал иһитиннэрии тиэрдиллибит. Биир чаас буолан баран, росгвардеецтар күрэтиллибит массыынаны 50 лет Советской Армии уонна Кржижановскай уулуссалар быһа охсуһуутун оройуонугар булбуттар. Хара саналаахтар суол быраабылатын кэһэн уонна кутталы үөскэтэн, куота сатаабыттар. Бестужев-Марлинскай уонна Авиационнай уулуссалар быһа охсуһуутугар буруйдаахтар массыынаны быраҕан куота сатаабыттар да, тутуллубуттар. Буруйу оҥорооччуларынан Дьокуускай куорат үс эдэр олохтооҕо буолаллара биллибит. Массыына бас билээччигэ төннөрүллүбүт, оттон тутуллубут эр дьон полиция отделыгар киллэрбиттэр.
СӨ ОДьКХ уонна энергетика министиэристибэтин кэлэктиибэ «Кладовая осени» күһүҥҥү аһымал дьаарбаҥкаҕа көхтөөхтүк кытынна. Министиэристибэ уонна…
Мииринэй оройуонугар эр киһи атын дьон кыбартыыратыгар киирэн, утуйа сытар кыыска саба түһэн күүһүлүү сатаабыт.…
Дьокуускайга алтынньы 20 күнүгэр «Арктика» атыы-логистика хампаанньатын «АрктикВкус» диэн саҥа кэнсиэрбэ оҥорор сыаҕа аһылынна. Бу…
Быйыл күөн күрэс биирдиилээн уонна кэлэктиибинэн номинацияларынан ыытылынна. Өрөспүүбүлүкэ 22 орто анал үөрэҕин тэрилтэтиттэн 216…
Тымныы түһэн, тумуу элбээн, дьон ыалдьара элбээтэ. Оҕолор уһуйааннарга, оскуолаларга сыстыһан кэлэллэр. Маныаха күүстээх хиимийэлээх…
Билигин Саха сиригэр өрүстэр уонна күөллэр муустара ситэ тура илик, онон мууска сатыы да, тырааныспарынан…