Дьокуускайга өрүс пордун эҥэр саҥа олорор дьиэ комплекса тутуллуоҕа

Киин куоракка саҥа олорор дьиэ комплексын тутуутун бастакы сыбаайатын ууруу сиэрэ-туома буолла.

Бу суолталаах тутуу Дьокуускай куорат маастар-былааныгар киирбитэ. Тэрээһиҥҥэ Ил Дархан Айсен Николаев, Дьокуускай куорат мээрэ  Евгений Григорьев, ДОМ.РФ баан  бэрэстэбиитэллэрэ уонна бочуоттаах ыалдьыттар кыттыыны ыллылар.

— Бырайыак идиэйтэ икки сыллааҕыта баара биллибитэ. Бастаан утаа Өрүс пуордун (Речпорт) саҥардан оҥоруу туһунан этии киирбитэ. Бүгүн бу бырайыак олоххо киирэр түгэнэ үүммүтүттэн олуһун үөрэбин, — диэн үлэ Ил Дархан бйэтин телеграм-ханаалыгар иһитиннэрдэ.

Оттон Дьокуускай куорат мээрэ Евгений Григорьев эмиэ бэйэтин телеграм-ханаалыгар 50 млрд. солкуобайтан тахса  суумалаах үбүлээһини АО «ДОМ.РФ» оҥорор буолбутун иһитиннэрдэ.

Бырайыак Дьокуускай куорат маастар-былааныгар киирбитин РФ Бэрэсидьиэнэ Владимир Путин өйөөбүтэ. Олорор дьиэ комплексыгар 7,6 тыһыынча кыбартыыра, 350 миэстэлээх  4 уһуйаан,  хас биирдиитэ 1100 миэстэлээх икки оскуола тутуллан үлэҕэ киириэхтэрэ. «Ленские высоты» бырайыак Уһук Илин уокурук олохтоохторугар анаммыт судаарыстыбаннай бырагыраамаҕа киирсэр. Онон Дьокуускай куорат 400 сылыгар бу эҥэр саамай тупсаҕай көстүүлээх оройуонунан буолуоҕа.