Хаартыска: ЯСИА.
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин тупсарыыга санаатын үллэһиннэ.
Өрөспүүбүлүкэ баһылыга көрөөччү ыйытыытыгар хоруйдаан, оптуобуһунан тиэйии боппуруоһугар болҕомтотун туһаайда. Куорат олохтоохторо астыммат буолууларыгар сөбүлэстэ. Бу маршруттарга үлэлиир элбэх ахсааннаэх эргэ оптуобустары кытта сибээстээх.
“Хаһыс да сылын куорат оптуобуһун пааркатын саҥардыыга үлэлэһэбит. ЯПАК оптуобустарын паарката толору саҥардылынна, билигин кэтэх тиэйээччилэри кытта үлэлэһэбит”, — диэтэ кини.
Дьокуускай чааһынайдарга 50 саҥа оптуобуһу ыларга былаанныыр.
“РФ Тырааныспарка министиэристибэтин кытта ыкса үлэбит түмүгэр Дьокуускайга өссө 50 оптуобуһу кыттыгас үбүлээһиҥҥэ ылыахпыт диэн дуогабардастыбыт. Мин куорат дьокутааттарыгар бу этиини ылан, үбү көрбүттэрин иһин махтанабын. Онон федеральнай Тырааныспар министиэристибэтин, Саха өрөспүүбүлүкэтин Бырабыыталыстыбатын уонна Дьокуускай куорат уокуругун бииргэ үлэлээһиннэрин түмүгэр саҥа оптуобустаныахпыт. Бу улахан “Волгабастар”, — диэтэ Айсен Николаев.
Санатан эттэххэ, 2022 сылтан 2024 сылга диэри хайы-үйэ улахан уонна орто кылаастаах 124 оптуобус ылыллыбыта.
“Об ускоренном развитии транспортной и энергетической инфраструктуры»” диэн өрөспүүбүлүкэ Ил Дарханын Ыйааҕар олоҕуран, 2030 сылга диэри өссө 250 саҥа оптуобуһу ылары торумнууллар
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/11944
Дьокуускай куорат "Спортивнай" түөлбэтигэр уопсайа 329 тыһыынча кв.м кэриҥэ иэннээх 53 элбэх кыбартыыралаах дьиэ тутуута…
Бүгүн, олунньу 3 күнүгэр, киэһээ 16:14 чааска Саха сирин Быыһыыр сулууспатыгар 112 нүөмэригэр Бүлүүлүүр суол…
Үгэскэ кубулуйбут «Тымныы полюһугар айан 2026» бэстибээл улууска кулун тутар 28 күнүттэн 30 күнүгэр диэри…
Полиция албын дьиэтээҕи чаттарга ыытар түөкүн чат-бот сигэлэрэ баар буолбуттарын иһитиннэрдэ. Холобур, счетчигы бэрэбиэркэлиир маннык…
Вице-премьер Георгий Степанов салайааччылаах өрөспүүбүлүкэ бырабыыталыстыбатын оробуочай бөлөҕө Муома улууһун Буор-Сыһыы сэлиэнньэтигэр отчуоттаата, диэн www.sakha.gov.ru…
Бу күннэргэ өрөспүүбүлүкэ улуустарын Землячестволара ааспыт сыллааҕы үлэлэрин түмүгүн таһаарар тэрээһиннэри ыыталлар. Ааспыт нэдиэлэ бүтүүтүгэр…