Дьокуускайга өссө биир хампаанньа  уматык сыанатын үрдэттэ

Оптуорунньукка, алтынньы 29 күнүгэр, өссө биир хампаанньа  уматык сыанатын үрдэттэ.

«Туймаада- Нефть» хампаанньаҕа бэнсиин уонна дизельнэй уматык сыаната үрдээтэ. Бу туһунан СИА суруйар. «Бүгүҥҥү күнтэн уматыкка саҥа тарыыптар үлэлииллэр», — диэн «Туймаада- нефть» хампаанньаҕа эттилэр. Ол курдук, Дьокуускайга бэнсиин уонна дизельнэй уматык сыаната маннык уларыйда:

• АИ-95 — 68,4  солкуобайтан 73,80 солк. буолла.
• АИ-92 с — 65,30 солкуобайтан 70,50 солк. буолла.
• АИ-98 — с 76,5 солкуобайтан 79,50 солк. буолла.
• дизельнэй уматык —  84 солкуобайтан 87,80 солк. буолла.

Санатан эттэххэ, бу сыл алтынньы 24 күнүгэр «Саханефтегазсбыт» АХ сапыраапкаларыгар сыана эмиэ үрдээбитэ.