Хаартыска Ил Түмэн пресс-сулууспатыттан
Бүгүн Саха Өрөспүүбүлүкэтин Судаарыстыбаннай Мунньаҕын (Ил Түмэн) бэрэссэдээтэлэ Алексей Еремеев өрөспүүбүлүкэ Бырабыыталыстыбатын чилиэннэрэ кыттыылаах РФ Федеральнай Мунньаҕын Федерациятын сэбиэтин 2022 с. ахсынньы 23 күнүнээҕи 729 №- дээх «Саха Өрөспүүбүлүкэтин социальнай-экэнэмиичэскэй сайдыытын судаарыстыбаннай өйөбүлүн туһунан» уурааҕы толоруунан тэрээһин мунньаҕы ыытта.
Бу боппуруостары Дьокуускай куоракка Федерация Сэбиэтин федеративнай тэриллиилэргэ, эрэгийиэннээҕи бэлиитикэҕэ, олохтоох бэйэни салайыныыга уонна Хотугу сир дьыалаларыгар кэмитиэт көһө сылдьар мунньаҕар, 2023 сылга, атырдьах ыйын 30 күнүгэр көрүөхтэрэ.
Бу туһунан Ил Түмэн пресс-сулууспата иһитиннэрэр.
Ил Дархан Айсен Николаев бэлиэтээбитинэн, бу уураах үс сылтан ордук бэлэмнэннэ: «Саха сиригэр улахан үлэ ыытылынна, хас даҕаны сенатор билсиһэ кэлэ сырытта. Дьокуускайга эрэ буолбакка, ыраах оройуоннарга эмиэ сылдьыбыттара. Түмүк уураах Федерация Сэбиэтин уонна Саха Өрөспүүбүлүкэтин салалтатын уопсай көдьүүстээх үлэлэринэн буолар».
«Бу историческай уураах. Олоххо киирдэҕинэ, өрөспүүбүлүкэҕэ 170 миллиардтан тахса солкуобай инвестицияланыаҕа, ол иһигэр Өлүөнэ муостатын уонна өрөспүүбүлүкэтээҕи Инфекционнай балыыһаны тутууга», — диэн тоһоҕолоон бэлиэтээтэ Саха Өрөспүүбүлүкэтин Судаарыстыбаннай Мунньаҕын (Ил Түмэн) бэрэссэдээтэлэ Алексей Еремеев.
Сенаторадар этэллэринэн, Сахс сирэ бөдөҥ минеральнай-сырьевой киининэн уонна айылҕа ураты ресурсатынан баай.
«Өрөспүүбүлүкэ сүрүн макроэкономическай көрдөрүүтүнэн туруктааҕын көрдөрөр, Уһук Илин уокурукка киирэр РФ субъектарын холбоһуктаах валовай бородуукталарын 20 бырыһыаныттан ордугун хааччыйар. Уһук Илин эрэгийиэннэрин ортотугар Саха сирэ дьон олоҕо уһунунан уратылаах. 2019-2020 сс. нэһилиэнньэ ахсаанын элбээһинэ ааспыт 15 сыл устата үүммүт көрдөрүүнү куоһарда», — диэн докумуоҥҥа суруллар.
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…
Кэмпэндээйигэ "Сир уустара" төгүрүк сыл үлэлиир киин оҕолору араас хайысханан сайыннарар. Бу сайын Саха сирин…