Хаартыска - СӨ Аҕа баһылыгын уонна Бырабыыталыстыбатын пресс-сулууспата
Дьокуускайга «Цифровой Алмаз» II Федеральнай пуорум ыытыллыаҕа.
Сэтинньи 23-24 күннэригэр киин куоракка ыытыллар суолталаах тэрээһин сыыппаранан үлэлиир экэниэмикэ лиидэрдэрэ уонна бу салаа эспиэрдэрэ Арассыыйа технологическай сайдыытын дьүүллэһиэхтэрэ, ырытыахтара. Тэрээһини РФ цифровой сайдыы, сибээс уонна маассабай коммуникация министиэристибэтэ СӨ Бырабыыталыстыбатын кытта холбоһон ыытыахтара. Былырыын бастакы пуорумҥа Арассыыйа 63 эрэгийиэниттэн 1500-тан тахса киһи кыттыбыта. Онно уонтан тахса экэнэмиичэскэй суолталаах сүрүн сөбүлэҥнэри түһэрсибиттэрэ.
— Быйыл биһиги үөрэхтээһини цифровизациялааһын, цифровой контент — экэниэмикэ кэскиллээх боппуруостарын ырытыахпыт,- диэн бэлиэтээтэ СӨ Бырабыыталыстыбатын Бэрэссэдээтэлин солбуйааччы Анатолий Семенов.
Сиэссийэ сүрүн кэпсэтиитин түмүгэ РФ цифровой сайдыы, сибээс уонна маассабай коммуникация миниистирэ Максут Шадаевка тиэрдиллиэҕэ.
Тэрээһиҥҥэ Казахстан, Иран, Бразилия, Индия уо.д.а. дойдулар бэрэстэбиитэллэрэ куйаар нөҥүө кыттыахтара.
Пуорум чэрчитинэн араас стартаптар, быыстапкалар, куонкурустар ыытыллыахтара. Кэпсэтии былаһааккаларыгар эспиэрдэринэн «Роскосмос», «РосАтом», АУо «Ростелеком», АНО «ВКонтакте», «Яндекс», Lesta Games, «OKKO», «WINK», «Premier» уо.д.а. судаарыстыбаннай тэрилтэр уонна биисинэс бөдөҥ тэрилтэлэрин бэрэстэбиитэллэрэ кыттыахтара.
Пуорум «Үлэ кыбартаала» креативнай кластерга ыытыллыаҕа. Иһитиннэриини сиһилии https://digitaldiamond.tech саайтан билсиҥ.
Өбүгэлэрбит тулалыыр айылҕа уратытын, халлаан эттиктэрин, кыыллар быһыыларын таба көрөн, күнү-дьылы билгэлиир этилэр. Кыһын туһунан…
Бүгүн, алтынньы 25 күнүгэр, Аллараа Бэстээххэ тимир суолунан Арассыыйа байыаннайдара байыаннай эпэрээссийэ кэмигэр былдьаабыт 5…
“Буорах сыттаах, уоттаах сэрии ыар сыллара ааһан истэхтэрин ахсын буойуннар эрэйдээхтэр өлөн-сүтэн, көҕүрээн иһэллэр. Онон…
Алтынньы 25 күнүгэр Дьокуускай куорат 2 нүөмэрдээх национальнай политехническай оскуолатыгар киин куорат 20 оскуолатын, Амма…
РФ Бырабыыталыстыбатыгар Бойобуой ускуустубалар Арассыыйатааҕы сойуустарын (РСБИ) хос бэрэссдээтэллэрэ -- РФ бырабыыталыстыбатын бэрэссэдээтэлин солбуйааччы уонна Уһук…
Горнай улууһугар Атамайга аҕам саастаахтар дэкээдэлэрин чэрчитинэн "Славим возраст золотой" диэн улуустааҕы тэрээһин буолан ааста.…