Дьокуускайга Феликс Кон аатынан уулуссаҕа дьиэ умайда

Бүгүн, муус устар 18 күнүгэр, сарсыарда 10:57 чааска Саха сиринээҕи ЫБММ управлениетыгар Дьокуускайга Феликс Кон аатынан уулуссаҕа биир мэндиэмэннээх хаһаайына суох мас тутуу дьиэ уокка былдьаммытын туһунан иһитиннэрии киирдэ.

Бу туһунан СӨ ЫБММ пресс-сулууспата суруйар. Уоту умуорааччылар быһылаан миэстэтигэр үс мүнүүтэнэн кэлбиттэр. Тутуу уокка былдьанна. Баһаар содулугар эмсэҕэлээбит дьон суох, мас дьиэ 150 кв.м иэнэ умайда. Баһаар төрүөтүнэн уоту сэрэҕэ суох туһаныы буолара билиннэ. Буруйдаахтар уонна хоромньу быһаарыллар. Баһаар умуруорууга 26 баһаарынай үлэһит уонна 6 тиэхиньикэ үлэлээтэ.