Физкультурник күнэ Дьокуускайга өрө көтөҕүллүүлээхтик ыытылынна

Бэлиэ күнүнэн Дьокуускайга «Туймаадаҕа» стадиоҥҥа тэрээһиннэр дьону-сэргэни түмэ тардыбыттар.

Бу туһунан суруналыыс Дьулустаан Сергеев СИА суруйар. Ол курдук, маастар-кылаастар ыытыллыбыттар, күрэхтэһиилэр болҕомтону тардыбыттар. Куорат олохтоохторо, ыалдьыттара доруобуйаларын көрдөрүммүттэр, сорохтор успуорт ханнык көрүҥүнэн дьарыктаныахтарын сөбүн ыйыталаһан чопчулаабыттар.

Тэрээһин кыттыылаахтара спорт национальнай көрүҥнэригэр холоммуттар, остуол оонньууларыгар кыттыбыттар, пауэрлифтиҥҥэ, буоксаҕа, кроссфитка кыттыбыттар, улаханнык сэргэхсийбиттэр.

—-Бэлиэ күнү сыл аайы ыытыллар.  Араас күрэхтэһиилэри тэриллэлэр, успуорт федерацияларын өйүүбүт, кыһыҥҥы спартакиада, оскуола үөрэнээччилэригэр успуорт национальнай көрүҥнэригэр күрэстэр, Саха сирин норуоттарын спортивнай оонньуулара ыытыллаллар. Быйыл «Азия оҕолоро» Норуоттар икки ардыларынааҕы спортивнай оонньуу үрдүк таһымнаахтык буолан ааста. Биһиги Ил Дархаҥҥа, СӨ Бырабыыталыстыбатыгар успуорт, физкултуура сайдыытыгар улахан болҕомтолорун ууралларыгар махтанабыт, — диэбит СӨ физическэй култууратын уонна успуордун миниистирэ Леонид Спиридонов.

Миниистир үлэлэригэр ситиһиилээхтэри эҕэрдэлээбит.

Сиһилии СИА ааҕыҥ.