Хаартыска: Денис Попов.
Муус устар 12-18 күннэригэр Дьокуускайга Бүтүн Арассыыйатааҕы үөрэнээччилэр физкултуураҕа олимпиадаларын түмүктүүр түһүмэҕэ буолуоҕа. Саха сириттэн барыта аҕыс оҕо кыттыаҕа.
Үөрэх уонна билим миниистирэ Нюргуна Соколова: “Бүтүн Арассыыйатааҕы үөрэнээччилэр олимпиадалара олус үрдүк таһымнаах, оҕолорбутугар улахан кыаҕы биэрэр. Бу олимпиада түмүгүнэн үрдүк үөрэххэ тургутуута суох киирэр кыахтаахтар. Итини таһынан, биһиги үөрэхпит кыһалара бэлэмниир хаачыстыбаларын сыаналыахха сөп.
Өрөспүүбүлүкэ кэлиҥҥи 11 сылга аан бастакытын олимпиада түмүктүүр түһүмэҕин ыытар эрэгийиэннэр кэккэлэригэр киирдэ. Бүтэһигин 2014 сыллаахха эмиэ физкултуура олимпиадатын ыытан турабыт”, – диэн пресс-кэмпириэнсийэ кэмигэр эттэ.
Олимпиаданы өрөспүүбүлүкэҕэ сүрүннээччи тэрилтэ – Билим дьоҕус академиятын дириэктэрэ Василий Павлов иһитиннэрбитинэн, Арассыыйа бары эрэгийиэннэриттэн 300 диэри кыттааччы, 100-тэн тахса арыаллааччы, 36 дьүүллүүр сүбэ чилиэнэ уонна тэрийээччилэр кэлиэхтэрин сөп диэн сабаҕылыыллар. Бастакы кыттааччылар номнуо муус устар 4 күнүгэр көтөн кэлэллэр диэн иһитиннэрдэ.
“Юные якутяне” өрөспүүбүлүкэтээҕи киин дириэктэрин солбуйааччы Александр Брызгалов: “Олимпиада икки чаастан турар: теория уонна быраактыка. Улахан бириэмэ быраактыкаҕа чааска барар. Тэрийэр кэмитиэт бигэргэтиитинэн биэс успуорт эбийиэгэр олимпиада ыытыллыаҕа: “Өрөгөй” спортсменнары бэлэмниир киин (чэпчэки атлетика), “Дохсун” успуорт комплекса (прикладной көрүҥнэр), “Кыайыы 50 сыла” успуорт дыбарыаһа (оонньуу көрүҥнэрэ), “Чолбон” бассейн (харбааһын) уонна Дьокуускай куорат 9-с нүөмэрдээх оҕо успуордун оскуолата (гимнастика). Эбийиэктэр бары бэлэмнэр”, – диэн эттэ.
“Бэс Чагда” оҕо сынньалаҥын киинин дириэктэрэ Варвара Васильева оҕолор күҥҥэ үстэ аһыахтара, ону таһынан түөртүүр уонна хойукку киэһээҥҥи аһылык баарын, Роспотребнадзор сөбүлэҥин ааспытын иһитиннэрдэ.
“Олохтоох астан алаадьы баар буолуоҕа. Уонна туох көҥүллэнэринэн кыттааччыларга туус хоһо, витаминизация, прессотерапия, лфк өҥөтө үлэлиэҕэ.
Кыттааччыларга, биһиги хамаандабытыгар, арыаллаачыларга уонна тэрийээччилэргэ эрэкэлээмэлиир-көрдөрөр оҥоһуктары бэлэмнээтибит: футболка, үрүсээк, уу иһэр бытыылка, бейджик…”, – диэн кэпсиир.
Саха сирин хамаандатыгар Нерюнгри улууһун үс, Дьокуускай куорат биэс оскуолатыттан биирдии оҕо талыллан киирбит.
Уруйдаана бүгүн үлэтиттэн арыый эрдэ бүтэн, аргыый аҕай дьиэтин диэки хааман истэ. Үлэ чааһа бүтэн,…
“Күһүн оҕуруот аһын кэнсиэрбэлээбиппит да иһин уурар сирбит суох” диэн элбэх киһи этэр. Умуһаҕа суох…
Күннэр кылгаан, түүннэр тымныйан, күһүн бастакы тыына билиннэ. «Булуҥ» МУП табаһыттарыгар эппиэтинэстээх кэм. МУП табалара…
Бу күннэргэ Өймөкөөн улууһугар айылҕа иэдээнин – халаан содулун туоратыы салгыы ыытыллар. "Өймөкөөҥҥө ардах уутуттан…
Сааһыары муус устарга хараҥаҕа тыраахтарынан мас состорон иһэр кыыс видеота социальнай ситимнэргэ тарҕаммытын көрөн, үгүс…
Балаҕан ыйын 6 күнүгэр Суорун Омоллоон аатынан Опера уонна балет тыйаатырыгар сайын устата артыыстары ахтыбыт,…