Дьокуускайга фокусниктар уонна иллюзионистар шоулара ыытыллыаҕа

Дьокуускайга «Үрдэл» пааркаҕа атырдьах ыйын 11 күнүгэр иллюзия уонна магия дьоро киэһэ ыытыллыаҕа. Манна Саха сирин иллюзионистара кыттыахтара диэн СИА-ҕа тэрийээччилэр иһитиннэрбиттэр.

Иллюзионистар уонна фокусниктар маастарыстыбаларын көрдөрүөхтэрэ. Шоуга Дмитрий Колосов, Дьулустаан Павлов, Сайаан Бурнашев (SAYMAG), Алексей Куприянов, Сергей Мыреев уонна Ариан Протодьяконов кыттыахтара.

«Киэһэни быһа араас иллюзияны, интерактивнай нүөмэрдэри көрдөрүөхтэрэ», — диэн тэрийээччилэр бэлиэтээн этэллэр.