Дьокуускайга футболист Алексей Смертин кэллэ

Бүгүн, тохсунньу 15 күнүгэр, Дьокуускай куоракка Арассыыйа футболга сүүмэрдэммит  хамаандатын  экс-хапытаана   Алексей Смертин кэллэ.

СӨ Успуордун министиэристибэтэ иһитиннэрбитинэн, кинини аэропорка футбол оскуолатын салалтата, чэпчэки атлетика түмсүүтүн бэрэстэбиитэллэрэ,  «Полюс холода — Оймякон» кыһыҥҥы  экстремальнай марафону тэрийээччилэр көрүстүлэр.

Смертин Саха сиригэр сырыытын кэмигэр «Полюс холода — Оймякон» марафоҥҥа кыттыаҕа итиэннэ тохсунньу 18 күнүгэр  өрөспүүбүлүкэтээҕи оҕо футболун лигатын (РДФЛ) кыайыылаахтарын, призердарын наҕараадалыаҕа.

Туһааннаах сезоҥҥа  РДФЛ чөмпүйэнээтигэр 64 хамаанда кыттар.

Санатан эттэххэ,  РДФЛ сааскы-сайыҥҥы сезонун кыайыылаахтарын  футболист Андрей Аршавин наҕараадалаабыта.