Дьокуускайга гаражка киһи өлүгэ булулунна
![](https://sakha-sire.ru/wp-content/uploads/2023/06/whatsapp-image-2023-06-15-at-14.14.53-1060x596.jpeg)
Саха сиригэр ааспыт сууккаҕа 8 буруйу оҥоруу бэлиэтэннэ.
Бу туһунан СӨ Борокуратууратын пресс-сулууспата иһитиннэрэр.
Дьокуускайга, Алдаҥҥа, Нерюнгри уонна Хаҥалас оройуоннарыгар түөкүннээһини оҥоруу сайабылыанньалара киирдилэр. Уоруллубут харчы уопсай суумата 3 мөл. солк. куоһарда. Чуолаан, Беркакит бөһүөлэк олохтооҕо харчы үлүннэрии албыныгар киирэн биэрэн, 1 мөл. солк. сүтэрдэ. Оттон Дьокуускайдааҕы оскуола учуутала «ФСБ» үлэһитэ буолан кубулунан эрийбит түөкүн албыныгар 1 мөл. солк. уорулунна.
Киин куоракка биир уоруу уонна сокуоннайа суох наркотигы эргинии буруйа таҕыста. Нам улууһугар итирик туруктаах суоппар тырааныспары хаттаан ыыппытын чахчыта билиннэ.
Сууккаҕа 5 баһаар умуруоруллубут. Дьокуускайга Мординов уулуссаҕа турар биир гараж умуруоруллубут кэннэ, 1972 с.т. киһи өлүгэ булулунна. Киһи өлүүлээх суол быһылаана регистрацияламмата. Итирик туруктаах сылдьан 4 суоппар тутулунна.
Сообщить об опечатке
Текст, который будет отправлен нашим редакторам: