Хаартыска: Катерина Григорьева тиксэриитэ.
Олунньу 12-16 күннэригэр Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай уокурук чөмпүйэнээтэ ыытыллыаҕа.
Суолталаах тэрээһин эрэгийиэҥҥэ успуорт бу көрүҥэ олохтоохтук сайдан, гимнастикаҕа Саха сирин оскуолатын таһыма үрдээбитин билинии туоһута.
СӨ художественнай гимнастикатын федерациятын пресс-сулууспата иһитиннэрбитинэн, олунньу 3 күнүнээҕи чахчынан, федеральнай таһымнаах тэрээһиҥҥэ бөлөҕүнэн эрчиллиигэ 10 эрэгийиэнтэн 28 хамаандаттан, биирдиилээн күрэхтэһиигэ 129 гимнастан сайаапка киирдэ. Ол курдук гимнастар Хабаровскайтан, Приморьеттан, Камчаткаттан, Забайкалье кыраайыттан, Сахалинтан, Амуртан, Магадаантан кэлэн кыттыахтара.
Чөмпүйэнээккэ уопсайа 297 гимнаст күөн көрсөр. Күрэхтэһии түмүгэ бастакы спортивнай категория уонна успуорт маастарыгар хандьыдаат хамаандаларын икки ардыларыгар, биирдиилээн күрэхтэһиилэргэ уонна хамаанданан күрэхтэһиигэ, ону тэҥэ спорт маастарыгар хандьыдаат (СМС) уонна бастакы спортивнай категория хамаандаларын икки ардыларыгар бөлөҕүнэн тахсыаҕа. Саха сирин чиэһин биирдиилээн многоборьеҕа уонна хамаанданан многоборьеҕа 2013-2014 сыллаах 10 гимнаст (12, 13 саастаах) бастакы анал разрядка көмүскүөҕэ. Успуорт маастарыгар хандьыдаат бырагыраамаҕа, 2011-2012 сс. төрөөбүт (14, 15 саастаах) – 6 гимнаст кыттыаҕа.
Чөмпүйэнээти РФ Успуорка министиэристибэтин өйөбүлүнэн Арассыыйа Гимнастикаҕа федерацията тэрийэр. Кыттыгас тэрийээччилэр: СӨ Успуорт министиэристибэтэ уонна СӨ художественнай гимнастикатын федерацията.
Күрэхтэһиилэр олунньу 12-16 күннэригэр Дьокуускай куорат Ильменскай уулусса 27, 9 № Оҕо спортивнай оскуолатыгар ыытыллар.
Арассыыйа ИДьМ Мэҥэ Хаҥалас оройуонунааҕы полиция отделын дьуһуурунай чааһыгар олохтоох дьахтартан кыбартыыратыгар киирэр аанын алдьаппыттарын…
"Аҕа дойдуну көмүскээччилэр" пуонда Саха сиринээҕи филиалын кэлим көмөтүнэн, байыаннай дьайыы кыттыылааҕа, байыаннай дьайыылар бэтэрээннэрэ…
Бүгүн, олунньу 10 күнүгэр, Үөһээ Бүлүү улууһугар Саха Өрөспүүбүлүкэтин Бырабыыталыстыбатын 2025 сыллааҕы үлэтин отчуоттуур мунньаҕын…
Олунньуга социальнай көмө индексацияланарын туһанан, түөкүттэр дьону албынныыр саҥа ньыманы толкуйдаабыттар. Ол курдук, социальнай ситимнэргэ…
Суотту орто оскуолатын 10 кылааһын үөрэнээччилэрэ Москваҕа, Санкт-Петербурга баран кэллилэр. Кинилэр бу айаннара-сырыылара киэҥ хабааннаах…
2026 сылга Саха сиригэр ойууру баһаартан харыстааһыҥҥа 5,5 млрд тахса солкуобайы ыытыахтара диэн СӨ Ил…