Дьокуускайга ГРЭС-2 оройуонугар эр киһи сүппүт

Дьокуускайга, ГРЭС-2 оройуонугар, 1977 сыллаах төрүөх эр киһи сүппүт. Кини балаҕан ыйын 20 күнүгэр биллибэт бирчиинэнэн сибээскэ тахсыбат буолбут. Бу туһунан Саха сиринээҕи Быыһыыр сулууспата иһитиннэрэр.

Кэтээн көрөр камералар дааннайдарынан, кини ГРЭС-2 диэки хайысханан барбыта быһаарыллыбыт. Онтон ыла кинини ким да көрбөтөх. Бүгүҥҥү күҥҥэ диэри эр киһини полиция үлэһиттэрэ көрдүүллэр. Алтынньы 14 күнүттэн көрдүүр үлэҕэ бөлөх старшайа Мичил Гоголев салайааччылаах Саха сиринээҕи Быыһыыр сулууспатын 16 быыһааччыта кыттыста.