Ульяна Захарова хаартыскаҕа түһэриитэ.
Муус устар 19 күнүгэр бастакы вице-премьер Дмитрий Садовников Дьокуускай куорат уокуруктааҕы дьаһалтатыгар ыксаллаах балаһыанньаны сэрэтиигэ, туоратыыга уонна баһаартан куттал суох буолуутугар хамыыһыйа мунньаҕын ыытта. Бэбиэскэҕэ өрөспүбүлүкэ киин куоратыгар хаар уутун ыытыы боппуруоһа турда.
Быйыл халыҥ хаартан сылтаан сулууспалар хаары таһыыга уонна ууну бырахтарыыга ыарахаттары көрүстүлэр. Быйыл саас куорат сулууспалара 7 578,5 м3 ууну бырахтардылар, 770 тыһыынча хаары тиэйдилэр. Ол да буоллар тиэхиньикэ уонна үлэһит тиийбэт.
“Дьокуускай куорат мэрията ситэ үлэлээбэт диир сыыһа буолуоҕа. Бу былааннаах үлэни муниципалитет сыллата ыытар. Ол эрээри быйыл сөҥүү элбэх этэ. Бу кыһалҕаны быһаарыы уопсай сорукпутунан буолар”, — диэтэ Садовников.
Бастакы вице-премьер куоракка эбии тиэхиньикэ уонна үлэһит бэриллиэҕэ, — диэтэ.
Куорат хас биирдии управатыгар уонна куорат таһынааҕы нэһилиэктэргэ былаас ситэриилээх уорганнарын сыһыардылар. Онон баларга министиэристибэлэр кыттыһыахтара.
Куорат дьаһалтата иһитиннэрбитинэн, ууну бырахтарыыга 47 ассенизационнай массыына үлэлээбит. Мотопомпалары уонна уот носуостарын туһаналлар. Эбии тиэхиньикэни үлэлэтэллэр, “Жилкомсервис” МУП урбаанньыттары кытта дуогабардаһар.
“ Түүн лотуоктар тоҥоллор, олору күнүс ириэриэххэ наада. “Якутдорстрой” этэринэн, “ливневкаларга” балаһыанньаны тупсарарга сүрүн уулуссаларга уонча күн наада”, – диэбитэ бу иннинэ куорат баһылыга Евгений Григорьев.
Хаары суукканы эргиччи таһаллар. Ол курдук, 30 тиэхиньикэ үлэлиир.
Хаары таһарга үс полигон баар. Сэбиэскэй Аармыйа 50 сыла уулуссаҕа баар полигон туолан, Бүлүү переулогар, Хатыҥ Үрэх шоссетыгар тиэйэн эрэллэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Быйыл Улуу Кыайыы 79 сылын бэлиэтээтибит. Сыл-хонук ааһан, төһө да ыраатан истэр, кыһарҕаннаах түөрт сылы…
«Record» (Бразилия) ханаалга аан дойдуга саамай тымныы Дьокуускай куорат туһунан кэпсиир сюжет таҕыста. Биэрии кэмигэр…
Өлүөхүмэ улууһугар муус хойуутук ааһар кэмэ саҕаланна. Дьэлгэй нэһилиэгэр 6 дьиэ ууга былдьанна. Дьиэлэринэн 12…
20-с үйэ буурҕаларын тулуйбут, уот ардаҕы түөстэригэр тоһуйбут, саах сыбахтаах балаҕантан таас дьиэҕэ көһүүнү, олох…
Ыам ыйын 11 күнүгэр “Федерация толорор былааһын тутулун туһунан” РФ Бэрэсидьиэнин ыйааҕа таҕыста. Саҥа тутулунан…
Социальнай ситимнэринэн киин куоракка Николай Щорс аатынан күөл аттыгар массыына оҕолору түҥнэри көппүтүн туһунан киэҥник…