Хаартыска: Мария Васильева, ЯСИА.
Дьокуускайдааҕы УГМС иһитиннэрэринэн, чугастааҕы үс күҥҥэ улахан сөҥүү түһэрэ күүтүллүбэт. Өрөспүүбүлүкэ киин оройуоннарыгар туманнаах тымныы күннэр туруохтара.
Салгын температурата түүн -43-48°, соҕуруулуу-илин хотоол сирдэргэ, киин оройуоннарга, Өлүөнэ аллараа тардыытынан, Бүлүүгэ сорох сиринэн -50-52°, күнүс -41-46° кыраадыс буолара күүтүллэр.
Саха сирин арҕаа, соҕуруулуу-арҕаа өттүгэр Красноярскайдааҕы циклон дьайан, кыралаан хаардыаҕа, температура түүн -30-35°, күнүс -24-29°, Ленскэй оройуонугар сорох сиринэн -20-25° буолуоҕа.
Арктика кытылынан сорох сиринэн сөкүүндэҕэ 9-14 митэтэрэ, оттон Анаабыр, Булуҥ оройуоннарыгар сөкүүндэҕэ 15-20 миэтэрэ түргэннээх тыал түһэрэ күтүллэр. Халыма-Индигир оройуоннарыгар сорох сиринэн хаардыаҕа, температура түүн -40-45°, күнүс -28-33° буолуоҕа.
Дьокуускай куоракка тохсунньу 14 күнүттэн томороон тымныы күннэр тураллар. Тымныы күннэр олунньу 3 күнүгэр диэри тураллара сабаҕаланар.
Тохсунньу 28 күнүгэр түүн кыралаан хаардыаҕа, күнүс сөҥүү түһэрэ күүтүллүбэт. Температура түүн -44-46°, күнүс -41-43°.
Тохсунньу 29 күнүгэр кыралаан хаардыаҕа, температура түүн -46-48°, куорат таһыгар -50° кыраадыска диэри тымныйыаҕа, күнүс -43-45°.
Илиҥҥи халандаарынан үүнэр 2026 сыл Уот кыһыл ат сыла дииллэр. Сахалар сылгынан билгэлэрэ үгүс. Онтон…
Саха сиригэр устудьуоннар оҥорбут спутниктара -- "Чолбон" аппараат космоска тахсан, бастакы сигналын биэрдэ, баарын биллэрдэ.…
Бэҕэһээ социальнай ситимнэринэн Дьокуускай куорат ЯКСМК оройуонугар "пробкаҕа" тохтоон турар массыынаттан эр киһи тахсан, илиитигэр…
Ахсынньы 29 күнүгэр Хаандыга бөһүөлэгэр Томпотооҕу "Светлячок" социальнай реабилитационнай киин оҕолоругар Ил Түмэн дьокутаата Виктор…
Бүгүн сарсыарда "Бүлүү" федеральнай суол 764-с килэмиэтиригэр дьон эчэйиилээх массыына саахала буолла диэн СӨ Быыһыыр…