Хаартыска СӨ Бырабыыталыстыбатын Бэрэссэдээтэлэ Кирилл Бычков телеграмм-ханаалыттан
Дьокуускайга от ыйын 21 күнүгэр Индигиир өрүс халааннаан эмсэҕэлээбит Өймөкөөн, Муома уонна Абый улуустарын олохтоохторугар гуманитарнай көмөнү хомуйар куораттааҕы киин үлэтин саҕалаата диэн Дьокуускай куорат дьаһалтатын пресс-сулууспата иһитиннэрэр.
Көмөнү киин куорат Ярославскай уулуссатын 21-гэр турар 26 №-дээх орто оскуола бастакы этээһигэр туталлар. Дьокуускайга Гуманитарнай көмөнү хомуйар киин салайааччыта Надежда Федорова этэринэн, нэһилиэнньэттэн көмө киирэн эрэр. Эмсэҕэлээбит улуустар, бастатан туран, аһылыкка (үүт, мокоруон, мас арыыта, саахар, кэнсиэрбэ, иһэр уу) наадыйаллар диэн кини бэлиэтиир. Ону таһынан, тутууга аналлаах тоһоҕо, саморез, шуруповерт, сылааһынан үрдэрэр тэриллэр (тепловые пушки), носуостар ууга барбыт дьиэлэри куурдарга олус наадалар диэн этэр.
Надежда Федорова эппитинэн, Кииҥҥэ эмсэҕэлээбит улуустарга көмө харчыны ыытарга анал счет аһыллыбыт. Харчынан көмөнү ыытыы туһунан сиһилии 8-924-760-54-30 (Федорова Надежда Петровна, Дьокуускайдааҕы гуманитарнай көмөнү хомуйар киин салайааччыта) нүөмэргэ төлөпүөннээн билсиэххэ сөп.
Дьокуускай куорат баһылыга Евгений Григорьев эрдэ иһитиннэрбитинэн, көмөнү хомуйар Киин үлэтигэр Дьокуускай куоракка олорор Өймөкөөн улууһун түмсүүтүн бэрэстэбиитэллэрэ кыттыстылар. Ону таһынан куорат баһылыга куорат дьаһалтатын уонна муниципальнай тэрилтэлэр үлэһиттэрин Өймөкөөҥҥө ыытарга дьаһайда.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…