Дьокуускайга халабырдыт үс сылга көҥүлэ быһыллан хаайылынна

Дьокуускай куорат борокуратуурата урут сууттаммыт 46 саастаах эр киһиэхэ сыһыаннаах холуобунай дьыалаҕа судаарыстыбаннай буруйдааһынын өйөөтө. Кини РФ ХК 161-с ыст. 2-с чааһын «г» пуунунан сууттанна. Бу туһунан СӨ Борокуратууратын пресс-сулууспата иһитиннэрэр.

Суутунан быһаарыллыбытынан, бу сыл ыам ыйыгар сууттанааччы Дьокуускай куорат биир дьиэтин аттыгар итирик туруктаах сылдьан, эмсэҕэлээччини төбөҕө охсон, кууркатын сиэбиттэн суотабай төлөпүөнүн аһаҕастык уоран ылбыт уонна буруйу оҥорбут сириттэн куоппут.

Суут судаарыстыбаннай буруйдааччы этиитин уонна сууттанааччы урут сууттана сылдьыбытын учуоттаан, эр киһини 3 сылга кытаанах эрэсиимнээх холуонньаҕа ыытан, көҥүлүн быһарга уураахтаата. Бириигэбэр сокуоннай күүһүгэр киирэ илик.