Хаартыска: Ө Ил Дарханын уонна Бырабыыталыстыбатын пресс-сулууспата
Дьокуускайга ОДьКХ миниистирэ Вячеслав Емельянов элбэх кыбартыыралаах дьиэлэр хапытаалынай өрөмүөннэрин хаамыытын бэрэбиэркэлээтэ. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Өрөспүүбүлүкэтээҕи биэдэмистибэ салайааччыта Фёдор Попов, Дзержинскэй уонна Чернышевскай уулуссаларга олорор дьиэлэринэн сырытта. Үлэ испииһэгэр фундаменнары бөҕөргөтүү, ититиинэн, уунан хааччыйыы уонна ууну таһаарыы систиэмэлэрин уларытыы, о.д.а. киирэр.
«Фёдор Попов уулуссаҕа 10/1 нүөмэрдээх дьиэҕэ фундамены чөлүгэр түһэрии үлэтэ бара турар. Пуонданы кытта үлэлэһэр улахан уопуттаах бэдэрээтчит тэрилтэ кыраапыгы тутуһар — үлэ атырдьах ыйын бүтүүтэ түмүктэниэхтээх. Итини таһынан, ититиинэн, уунан хааччыйыы уонна ууну таһаарыы систэмэтин саҥардыллар дьиэлэри көрдүбүт. Бу үлэлэр ураты суолталаахтар, тоҕо диэтэххэ ититии кэмэ саҕаланыан иннинэ ситиһиэххэ наада», — диэн Вячеслав Емельянов эттэ.
Ону таһынан инженернэй инфраструктураҕа ураты болҕомто уурулларын бэлиэтээтэ. Хапытаалынай өрөмүөн пуондатын сүрүн инженера Фёдор Лукин иһитиннэрбитинэн, өрөспүүбүлүкэ үрдүнэн 59 элбэх кыбартыыралаах дьиэҕэ ититиинэн хааччыйыы систиэмэтин хапытаалынай өрөмүөнүгэр дуогабардар түһэрсилиннилэр, онтон 19 дьиэ Дьокуускайга баар.
«Фёдор Попов, Дзержинскэй уонна Чернышевскай уулуссаларга баар эбийиэктэр ураты хонтуруолга ылыллыбыттара — хамыыһыйалар үлэ хаамыытын нэдиэлэҕэ иккитэ бэрэбиэркэлииллэр. Дьокуускайтан ураты, өрөмүөннэр Нерюнгрига, Ленскэйгэ, Покровскайга, Тиксиигэ, Зырянкаҕа, Черскэйгэ уонна Мииринэй оройуонугар бараллар», — диэн Лукин иһитиннэрдэ.
Бэрэбиэркэ түмүгүнэн Хапытаалынай өрөмүөн пуондатыгар былааны болдьоҕор толорорго, оттон бэдэрээтчит тэрилтэлэргэ үлэни кэмигэр уонна хаачыстыбалаахтык толорууну хааччыйарга сорудахтар бэрилиннилэр.
Быйыл өрөспүүбүлүкэҕэ 200-тэн тахса хапытаалынай өрөмүөн ыытыллара былааннанар. Дьокуускайга үлэ 85 дьиэҕэ барыахтаах.
Казань куоракка уус-уран гимнастикаҕа Арассыыйа Куубагын күрэхтэһиитэ түмүктэннэ. Онно дойду 20 эрэгийиэниттэн 150-тан тахса бастыҥ…
Erid: 2SDnjduRUSK Ахсынньы 1–21 күннэригэр мета-куйаарга «Сайылык» онлайн-бэстибээл ыытыллыаҕа. Манна көрөөччүлэр Саха сирин ускуустубатын, киинэтин,…
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…