Дьокуускайга холуонньаҕа буруйун боруостуу олорор эр киһи таптыыр дьахтарын кэргэн ылбыт

Дьокуускайга 5 №-дээх эмтиир-көннөрөр тэрилтэ иһинэн поселение-холуонньаҕа буруйун боруостуу олорор сууттаммыт киһи таптыыр дьахтарын кытары кэргэннии буолуута регистрацияламмыт. Бу туһунан УФСИН пресс-сулууспата иһитиннэрэр.

«УФСИН сууттаммыт дьону ресоциализациялааһынын чэрчитинэн 5 №-дээх эмтиир-көннөрөр тэрилтэ иһинэн баар холуонньа-поселениеҕа буруйун боруостуур гражданин С. Дьокуускай куорат ЗАГС-н управлениетын отделыгар официальнайдык регистрацияланна. Тэрилтэ дьаһалтата кини үчүгэй характеристикалааҕын уонна көнөргө дьулуһуутун учуоттаан бу быһаарыныытын өйөөтө», — диэбиттэр иһитиннэриигэ.

Сууттаммыт эр киһи култуурунай-маассабай тэрээһиннэргэ көхтөөхтүк кыттыбытын уонна үлэҕэ үтүө суобастаахтык сыһыаннаһарын туһунан чуолкайданар. Ону сэргэ кини «Үөрэххэ үрдүк ситиһиилэрин иһин» Хайҕал лииһинэн наҕараадаламмыт уонна «3-с разрядтаах тигээччи» идэтин ылбыт.

«Дьиэ кэргэни тэрийии – хаайылла сытар киһиэхэ улахан суолталаах хардыы. Бу кини сокуону тутуһуутугар көҕүлээһини бөҕөргөтөр уонна босхоломмутун кэннэ уопсастыбаҕа ситиһиилээхтик оннун буларыгар көмөлөһөр», — диэн тэрилтэ социальнай үлэһитэ Елена Журавлева бэлиэтиир.